“The Hu” хамтлаг өнөөдөр Европ тивийг зорилоо » Төр.мн

“The Hu” хамтлаг өнөөдөр Европ тивийг зорилоо

"The Hu” хамтлаг 2020 оны аялан тоглолтоо Европ тивээс эхлүүлэхээр өглөөний 10.45 минутад Буянт Ухаагийн нисэх онгоцны буудлаас хүлгийн жолоогоо залжээ. Тэдний эхний тоглолт энэ сарын 15-нд ХБНГУ-ын Хамбург хотоос эхлэх юм байна.
"The Hu" хамтлагийн энэ удаагийн аялан тоглолтод хамтлагийн продюсер, Монгол Улсын гавьяат жүжигчин Б.Дашдондог явахгүй аж. Хамтлагийнхан ирэх долдугаар сарын 18-н хүртэл Европын улсууд, Их Британи, Хойд, Өмнөд Америк, Австрали, Шинэ Зеланд, Азийн орнуудаар нийтдээ 55 тоглолт хийх товоо зарлаад байна.
Дэлхий дахинд Монгол Улсаа урлаг, соёлоор таниулан сурталчилж буй  "The Hu” хамтлагийн залуус дэлхийн дуу хөгжмийн салбарын томоохон арга хэмжээнүүдийн нэгд тооцогддог "Coachella Valley Music and Arts Festival"-д оролцохоос гадна амьд хөгжмийн томоохон хэд хэдэн фестивальд оролцохоо мэдэгдээд байгаа билээ.
Монголын "The Hu” хамтлаг дэлхийд гарч, өнгөрөгч 2019 онд Европыг байлдан дагуулсан. Тэд нийтдээ 13 оронд 23 тоглолтоо хийсэн бол Хойд Америкийн нутгаар 90 хоногийн турш аялан, 56 хотоор 60 гаруй тоглолтыг хийсэн. Хамтлагийнхан АНУ-д байхдаа дөрвөн ч дуугаа клипжүүлж,  хоёр, гурван ч дуу шинээр бичүүлжээ.

скачать dle 10.3фильмы бесплатно

Next Post

News