Кюүшюү башёд Монголын 22 сүмоч барилдана » Төр.мн

Кюүшюү башёд Монголын 22 сүмоч барилдана

 

Японы мэргэжлийн сүмо бөхийн энэ 2018 оны сүүлийн Кюүшюү башё ирэх ням гаригт Фүкүока хотод эхлэх гэж байна
Арваннэгдүгээр сарын башёг 69 дэх ёкозүна Хакүхо М.Даваажаргал манлайлна. Тэрбээр өнгөрөгч сард бэлтгэлийн үеэр бэртэл авч өвдөгний мэс засалд орсон бөгөөд одоогоор барилдах эсэхээ шийдээгүй байгаа аж.
Харин баруун жигүүрийг ёкозүна Какүрюү М.Ананд тэргүүлнэ. Манай бөхчүүдээс дээд зиндаанд Ичиножёо А.Ичинноров, Тамаваши Б.Мөнх-Оргил, Такаинова Б.Баасандорж, Чиёошёома Г.Мөнхсайхан, Араваши А.Дөлгөөн нар барилдана. Мөн жюүрёод Дайшёохо Р.Шижирбаяр нарын дөрвөн бөх барилдах бөгөөд макүшитад найм, хамгийн доод зиндаа буюу санданмэд Тэрүнофүжи Г.Ган-Эрдэнэ нарын гурван бөх барилдахаар болжээ.
Энэ башёд анхаарал татаж байгаа бөхчүүдийн нэг бол Такаинова Б.Баасандорж билээ. Тэрбээр ёкозүна Харүмафүжи Д.Бямбадоржтой маргалдсаны улмаас багагүй хугацаанд башёг өнжсөн. Тэгвэл тэдний хооронд үүсэн маргаан өндөрлөж, ёкозүна Харүмафүжи зодог тайлан Такаинова дахин барилдахаар болж байна. Мөн цагтаа дээд зиндаанд түрүү байрын төлөө өрсөлдөж, озэки цол хүртэж явсан Тэрүнофүжи Г.Ган-Эрдэнэ хамгийн доод зиндаанд барилдах юм.  Энэ башёд Монголын 22 сүмоч барилдах бөгөөд башё арванннэгдүгээр сарын 11-25-ны хооронд болно.

скачать dle 10.3фильмы бесплатно

Сэтгэгдэл үлдээх

  • Bold Italic Underline Strike | Align left Гол хэсэг Align right | smile оруулах URL хаягийн холбоос оруулахInsert protected URL Өнгө сонго | Add Hidden Text Insert Quote Сонгон Кирилл бичигт сонгосон текстийг хөрвүүлэх (Монголын) цагаан толгойгоор Хорлон сүйтгэгч оруулах
Next Post

News