“Нарантуул”-ын гэх тодотголтой Ш.Сайхансамбуу нэг хэсэг улс төрөөс “ХӨНДИЙРӨВ”. Хөндийрсөн гэдэг нь нам ч үгүй байсан. Тэгвэл тэрбээр өрөөл бусдын намд орохгүй өөрөө нам байгуулахаар шийдэж намаа АРДЫН ЧУУЛГАН НАМ гэж нэрийджээ.
Түүний хувьд шинэ нам байгуулан Дээд шүүхэд бүртгүүлэх хүсэлтээ өгсөн боловч тусыг эс олов. Өчигдөрхөн Монгол Улсын Дээд шүүхийн нийт шүүгчийн хуралдаан болж хүсэлтээ өгсөн хэд хэдэн намын асуудлыг хэлэлцэн шийдвэрлэсэн юм.
Ингээд Улс төрийн намын тухай хуульд заасан шаардлагыг хангаагүй тул АРДЫН ЧУУЛГАН НАМ-ыг улсын бүртгэлд бүртгэхээс татгалзсан байна. Яагаад шаардлага хангаагүй вэ?
Ардын чуулган нам Дээд шүүхэд хүсэлтээ өгөхдөө 807 гишүүнтэй гэх мэдээллийг өгчээ. Гэтэл уг мэдээлэл нь Улс төрийн намын тухай хуулийн 9.3.7-д заасан шаардлага (овог, эцгийн болон өөрийн нэр, иргэний үнэмлэхийн болон регистрийн дугаар, оршин суугаа газрын хаяг, гарын үсэг)-ыг хангаж байгаа эсэхийг шалгахад 315 гишүүний мэдээлэл нь улсын бүртгэлийн мэдээллээс зөрүүтэй байжээ.
Эдгээрийн олонх нь хаягийн бүртгэл зөрүүтэй гэсэн залруулж болох зөрчил байгаа боловч, Улсын бүртгэлийн ерөнхий газрын иргэний улсын бүртгэлийн мэдээллийн сангийн мэдээлэлтэй харьцуулан шалгахад 5 иргэний бүртгэл байхгүй (овог, нэр, регистрийн дугаараар хайлт хийхэд гарч ирээгүй).
Мөн Улс төрийн намын тухай хуулийн 10.1.3-д заасан улсын бүртгэлд бүртгүүлэхээр ирүүлсэн тус намын гишүүд нь өөр намын гишүүнчлэлгүй байх шаардлага хангасан эсэх, Ардын чуулган намын гишүүн мөн эсэхийг түүврийн аргаар тус намын гишүүний жагсаалтад буй 65 хүнтэй шүүхээс холбогдож “Ардын чуулган намын гишүүнчлэлтэй” эсэх талаар тодруулахад Ардын чуулган намын гишүүн биш, бүртгэлд гарын үсэг зураагүй гэж 15 хүн, өөр намын гишүүн (МАН, АН, МАХН) гэж 5 хүн тус тус мэдэгдсэн.
Нийт 807 гишүүнтэй гэх жагсаалтаас дээрх байдлаар зөрчилтэй 25 хүнийг хасаж тооцвол Улс төрийн намын тухай хуулийн 9 дүгээр зүйлийн 9.3.7-д заасан тоонд хүрэхгүй байна.
Иймд Улс төрийн намын тухай хуулийн 10 дугаар зүйлийн 10.1-д “Улсын дээд шүүх намыг дараах үндэслэлээр улсын бүртгэлд бүртгэхээс татгалзана”, 10.1.3-д “гишүүдийн тоо нь энэ хуулийн 9.3.7-д заасан тоонд хүрээгүй буюу бүртгэлд орсон гишүүн нь өөр намын харьяалалтай, эсхүл өөр хүн төлөөлсөн” гэж заасан үндэслэлээр Ардын чуулган намыг улсын бүртгэлд бүртгэхээс татгалзсан байна.
Ш.Сайхансамбуу Үнэн ба зөв намын “АР” байв. Тус намын анх байгуулагдах санхүүжилтийг гаргаснаа ч хүлээн зөвшөөрч, 2020 оны УИХ-ын сонгуульд тус намаас нэр дэвшиж байлаа. Гэвч өрөөл бусдын намд байх бус өөрөө нам байгуулахаар ЗҮТГЭСЭН ч талаар боллоо.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
НӨАТ-ын тухай хууль зөрчсөн гэдэг үндэслэлээр ажлаасаа чөлөөлөгдсөн Д.Занданбат гэх хүнээр бусдын “НО”-г шалгуулна гэдэг шударга гэж үү?
© 2013-2021
