Модны хөвөн наранд халсны улмаас гал гарчээ

Онцгой Байдлын Ерөнхий Газар

Модны хөвөн наранд халсны улмаас гал гарчээ

Төр.мн I www.tur.mn

2022-06-24

Ойрын өдрүүдэд модны хөвөн ихээр унаж, халуун нар гарч байгаатай холбогдуулан модны хөвөн наранд халж гал гарах аюултай байгааг аймгийн Хот тохижилт ОНӨҮГ-аас санууллаа.

Баянхонгор аймгийн Баянхонгор сумын Гэгээн шавь багийн “Жаргалант” хүүхдийн паркийн 1.5 га орчим талбайд гал гарч байсныг унтраасан. Дуудлага энэ сарын 22-ны өдрийн 13.00 цагт аймгийн Онцгой байдлын газарт бүртгэгдэж, Гал түймэр унтраах, аврах 16 дугаар алба хаагчид 2.4 км замыг туулан очиход 1.5 га орчим талбай шатаж байсныг 35 минут ажиллаж унтраасан байна.

Иймд ард иргэдийг орон гэрийнхээ ойр орчмын модны хөвөнг цэвэрлэх, норгож аюулгүйжүүлэх, татсан тамхины ишээ ил задгай хаяхгүй байх, анхаарал болгоомжтой байхыг уриаллаа.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.