Энэ онд Завхан, Булган, Увс аймагт хөлбөмбөгийн талбай баригдана
Монголын хөлбөмбөгийн холбоо /МХБХ/, Азийн хөлбөмбөгийн холбоо /АХБХ/-ны дэмжлэгтэй Булган, Завхан, Увс аймгуудад 2019 онд стандартын жижиг талбайг байгуулахаар төлөвлөөд байна.
Гурван талбайн хувьд бүгд аймаг тус бүрийн ЕБС-ийн дэргэд баригдаж талбайн ашиглалт, арчилгааг сургууль хариуцах бол орон нутгийн гишүүн холбоодын хувьд тэмцээн уралдааныг тогтмол зохион байгуулж байх юм.АХБХ-ны мэргэжилтэн Пүн Ёок дөрөвдүгээр сарын 22-ноос тавдугаар сарын 1-нд Булган, Завхан, Увс аймгуудад ажиллаж, жижиг талбай баригдах газруудтай биечлэн танилцаж байна. Мэргэжилтэн Пүн Ёок МХБХ-ноос санал болгосон тус газруудыг судалж үнэлгээ өгч байгаа бөгөөд уг газрууд жижиг талбай барих нөхцөлийг хангаж, бүх талын шаардлагад нийцсэн гэсэн дүгнэлтийг гаргаад байна.Улмаар дараагийн шатны үйл ажиллагаа болох талбайн архитекторын зураг төслийг гаргасны дараа АХБХ, МХБХ хамтран дотоодын болон гадаадын компаниудын дунд нээлттэй тендер зарлаж гүйцэтгэгчийг сонгон шалгаруулах юм.
Дашрамд дуулгахад, Булган, Завхан, Увс аймгийн удирдах албаны хүмүүс АХБХ, МХБХ-ны төлөөллийг найрсгаар хүлээн авч жижиг талбайн төслүүдийг амжилттай хэрэгжүүлэхэд бүх талын дэмжлэг үзүүлж, хамтарч ажиллахаа амласан хэмээн МХБХ-ноос мэдээллээ.
ЭНЭ МЭДЭЭНД ӨГӨХ ТАНЫ ҮНЭЛГЭЭ?
Like
0
Зөв
0
0
Буруу
0
Воов
0
Уйтгартай
0
Дуртай
![\"\"](\"http://www.tur.mn/uploads/posts/2019-04/1556598062_5cc7c71a5149f.jpeg\" "\\"\\"")
![\"\"](\"http://www.tur.mn/uploads/posts/2019-04/1556598061_2a35ed9f549b25125d93546d50488347.png\" "\\"\\"")
![\"\"](\"http://www.tur.mn/uploads/posts/2019-04/1556598087_61c798c24014e0975803dde51faf925f.png\" "\\"\\"")
