Төр.мн

Нүүр / Засгийн газар / Д.Тогтохсүрэн: МАН-д хагарал гэж байхгүй

Засгийн газар

0
1613

Д.Тогтохсүрэн: МАН-д хагарал гэж байхгүй

Т.Төгөлдөр

5 жилийн өмнө

$\"\"$

УИХ дахь МАН-ын бүлэг ээлжит хуралдаанаараа Засгийн газраас өргөн барьсан \"Алсын хараа 2050” хөтөлбөрийг хэлэлцжээ. Энэ талаар тус бүлгийн дарга Д.Тогтохсүрэн \"УИХ-ын сонгуулиас өмнө \"Алсын хараа 2050” хөтөлбөрийг хэлэлцэн, шийдвэрлэх нь зүйтэй гэж үзлээ. Энэ чиглэлээр УИХ-аас Төрийн байгуулалтын байнгын хороон дарга С.Бямбацогтоор ахлуулсан Ажлын хэсэг байгуулагдан ажиллаж байгаа. Сая бүлгийн хурлаар хэлэлцээд Үндсэн хуулийн дараа орох томоохон баримт бичгийг ойрын үед энэ парламент хэлэлцэн шийдвэрлэх хэрэгтэй гэж тогтлоо” гэсэн юм.

УИХ-ын гишүүн С.Бямбацогт \"Засгийн газраас Монгол Улсын урт хугацааны хөгжлийн бодлого болох Алсын хараа 2050 хөтөлбөрийг өргөн мэдүүлсэн. Хамгийн том бодлогын бичиг баримтын хэлэлцүүлгийг УИХ энэ долоо хоногт хийх гэж байна. Үүнтэй холбоотойгоор УИХ-ын даргын захирамжаар ажлын хэсэг байгуулж ажилласан. Ажлын хэсэг гурван удаа хуралдаж УИХ-д тодорхой санал хүргүүлж байна. 2050 он хүртэл Монгол Улсаа хэрхэн хөгжүүлэх вэ гэдэг төрийн хар хайрцагны бодлогоо батлах гэж байна. Ажлын хэсэгт УИХ-д суудалтай бүх намын төлөөлөл оролцож байгаа. Ингэснээр өнөөгийн парламентад 65 суудалтай МАН ганцаараа бодлогын бичиг баримтыг батлах бус бүх намын оролцоог хангаж байгаа юм” гэлээ.

Мэдээллийн дараа сэтгүүлчийн асуултад хариуллаа.

-МАН нэр дэвшигчдээ хэзээ тодруулах вэ?

-Сонгуулийн хуулиар нэр дэвшилт энэ сарын 10-16-ны хооронд явна. Манай намын Бага хурал 15-16-ны хооронд хуралдаж нэр дэвшигчээ эцэслэн шийдвэрлэнэ. МАН-д хагарал гэж байхгүй. Сонгуулийн өмнө ямар ч асуудалгүй эв нэгдэлтэй байгаа. Манайх нэр дэвшүүлэхдээ баримтлах хэдэн зарчим бий гэж манай намын дарга хэлсэн. Энэ зарчмын дагуу нэр дэвшигчдээ тодруулж байгаа.

-Нөхцөл байдалтай холбоотойгоор сонгууль зохион байгуулах бэлтгэлийг хэрхэн хангаж байна вэ?

-Энэ жилийн сонгууль нөхцөл байдлын хувьд хүндэрч магадгүй байгаа. Коронавирусийн цар тахал хэвийн хэмжээндээ байвал сонгуулийн сурталчилгаанд нөлөөлөх зүйлүүд байгаа. Коронавирусийн эсрэг хуулийг УИХ баталсан. Энэ хуульд тодорхой хязгаарлалт хийж өгсөн. Засгийн газар, СЕХ энэ чиглэлээр ажиллаж байгаа. Өнөөдрийн нөхцөлд сонгууль явуулбал сурталчилгаа хэрхэн явуулах, хязгаарлалтын дэглэм хэрхэн явуулах, хүн амыг сонгуульд ороход хязгаарлалтын дэглэм хэрхэн барих талаар СЕХ санал боловсруулсан байна лээ. Төрийн байгуулалтын байнгын хороонд танилцуулсан. Үүнийг Засгийн газарт танилцуулсан. Коронавирустэй холбоотой нэмэгдэж байгаа зардлыг Засгийн газар шийдвэрлэх боломжтой гэж үзэж байгаа. Сурталчилгаа хэрхэн явуулах вэ гэдэг нарийн зүйлүүд бий. Энэ чиглэлээр УОК тодорхой шийдвэр гаргана.

-Сонгуулийн зардал хэдэн төгрөгөөр нэмэгдэх вэ. Ерөнхийлөгчийн зүгээс зардлаа танахыг анхааруулаад байгаа?

-СЕХ дөрвөн тэрбум гэж зарлаж өгсөн байна лээ. Үүнийг Засгийн газраас гаргаад явах боломжтой гэж үзэж байгаа.