Жендэрийн эрх тэгш байдлыг хангах тухай хуулийн 4.1.2 дэх хэсэгт “жендэрийн эрх тэгш байдал” гэж эрэгтэй, эмэгтэй хүн улс төр, эрх зүй, эдийн засаг, нийгэм, соёлын ба гэр бүлийн харилцаанд тэгш эрхтэй оролцож, эдийн засаг, нийгэм, соёлын хөгжлийн үр шимээс тэгш хүртэж, хөгжилд эрх тэгш хувь нэмрээ оруулснаар жендэрийн ялгаварлан гадуурхалтаас ангид байхыг хэлнэ хэмээн заасан байдаг.
Энэ хүрээнд хэвлэл мэдээллийн салбар, сэтгүүлчдийн гүйцэтгэх үүрэг их билээ. Нийтлэл, нэвтрүүлгийн эх сурвалжийг хүйсийн тэнцвэртэй сонгох, жендэрт суурилсан хүчирхийлэл, гэр бүлийн хүчирхийллийн хохирогчдын талаар мэдээллэхдээ ямар хэм хэмжээг баримтлаж хэрхэн мэдээлэх вэ гэдэг нь сэтгүүлчдийн ур чадвартай шууд холбогдож байна.
Тиймээс бид олон нийтийн жендэрийн хэвшмэл хандлагыг өөрчилж, соён гэгээрүүлэхэд сэтгүүлчдийн оролцоо туйлын чухал учир cэтгүүлчдэд зориулсан жендэрийн онол, практик хосолсон 2 өдрийн танхимын сургалтыг хоёрдох жилдээ зохион байгуулж байна.
Сургалтын өмнөх ба дараах үнэлгээний хуудас, сургалтын үйл явцаас харахад Сэтгүүлчдийн ур чадвар, хандлага дээшилж, мэдээллийн эх сурвалжийг хүйсийн тэнцвэртэй хандахын ач холбогдлыг ойлгож, жендэрт суурилсан хүчирхийлэл, гэр бүлийн хүчирхийллийг үл тэвчих нийгмийн эерэг сэтгэлгээг бий болгох, хүн төвтэй мэдээлэх арга барилд суралцаж, монгол улсын болон олон улсын жендэрийн бодлого, хэвлэл мэдээллийн салбарт баримтлах үзэл санааны талаарх ойлголт мэдлэг нь дээшилсэн байв.
Энэ удаагийн сургалтад Монголын хөрөнгийн биржийн хэвлэлийн төлөөлөгч, Дотоодын их сургуулийн хэвлэлийн төлөөлөгч төрийн байгууллага төлөөлөн, "Тогтвортой амьжиргаа-3" төслийн Хэвлэл мэдээллийн мэргэжилтэн, "МОНЦАМЭ" агентлаг, "Монголын мэдээ" сонин, МҮОНР-ийн хүүхэд залуучуудын редакц, Amjilt.com, indra institute-н хэвлэл, unuudur.mn, Төр.мн, Arslan.mn, тас.мн, нэгүүн.мн, чөлөөт сэтгүүлчид болон Хэвлэлийн төлөөлөгчдийн групп, Админуудын нэгдэл зэрэг төлөөллүүдийг оролцуулснаараа онцлог байлаа.
Like
0
Зөв
0
0
Буруу
0
Воов
0
Уйтгартай
0
Дуртай
Засгийн газрын ээлжит бус хуралдаан болж байна.
© 2013-2023. Вэб сайт бүтээсэн: Tsast Solution LLC
