Дүүргийнхээ хүн амын тоог МЭДДЭГГҮЙ, хурлаа "ПЯЛДАГ" Н.Баярмөнх ОГЦРОХ болзлоо хэдийнэ хангажээ

Админ

2023-03-30

Нийслэлийн хамгийн их хүн амтай хоёр дүүргийн нэг болох Баянзүрх дүүргийн удирдлагууд “түнжин” муутай байна. Тодруулбал, Засаг дарга Н.Баярмөнх ИТХ-ын төлөөлөгчдийнхөө дургүйг хүргэжээ. Н.Баярмөнх нь дүүргийнхээ хүн амын тоог ч мэддэггүй, хуралдаа тоотой хэд суусан гэдгийг төлөөлөгчид нь хэвлэлийн хурал хийх үеэрээ нийтэд мэдээлэв.

Түүнчлэн, хороодынхоо ачааллыг бууруулах нэрийдлээр 28 байсан хороогоо 43 болгож нэмэгдүүлсэн. Ингэхдээ шинээр нэмсэн хорооддоо нэг ч Өрхийн эмнэлэг бий болгоогүй бөгөөд иргэд нь ойролцоо хорооныхоо эмнэлгээр үйлчлүүлдэг аж. Мөн НИТХ-ын 10 удаагийн хурлын ердөө дөрөвт нь л суужээ. Ингээд түүнийг ОГЦРУУЛАХ болсон гэх шалтгаануудыг дурдвал,

Ковидын үед төрийн албанд олон хүнийг шууд томилсон
БЗД-т төрийн үйлчилгээг иргэдэд ойртуулах нэрээр 28 хороог 43 болгож нэмэгдүүлсэн нь төрийн үйлчилгээний хүнд суртлыг улам нэмсэн
Тэдгээр тэлсэн хороондоо өөрийн хамаатан садан, найз нөхөд гээд хамаарал бүхий хүмүүсийг томилсон
Өрхийн тоо, хүн амын тоогоо мэдэхгүй ажиллаж байгаа нь засаглал хямралд орсон
Цар тахлын үед 2020 оны 11-р сард томилогдож 1 сар дутуу байхад дүүргийн төсөвт тодотгол хийж Засаг даргын нөөцийн хөрөнгө дээр 2,5 тэрбум төгрөг нэмсэн нь зарцуулалт тодорхойгүй
БЗД-ийн хүн амыг 50400, 19400 өрхөөр нэмэгдүүлж бүртгэсэн байгаа нь сонгуулийн луйврын шинжтэй байж магадгүй гэсэн хардалт төрүүлж байна.
БЗД-ийн 26-р хороонд хөл хорио тогтоож байгаад Засаг даргын ажлыг авсан
БЗД нь 0-16 насны 159 мянган хүүхэдтэй ба Дүүргийн нэгдсэн эмнэлгийн хүчин чадал хангалтгүй байхад, төсөв өмнөх жилээс 10 дахин нэмэгдсэн ч эмнэлэг эрүүл мэндийн үйлчилгээг нэмээгүй, тэлээгүй.
15 хороо нэмэгдсэн байхад өнгөрсөн хугацаанд өрхийн нэг ч эмнэлэг нэмээгүй

Мөн тэрбээр 2021 онд санал бодлыг танадаж, нууц худалдан авалтын судалгаа явуулахын тулд 56 сая төгрөгийн ТЕНДЕР зарлаж байсан удаатай аж. Дүүрэг нь "НҮҮРЭЭ УГААДАГГҮЙ" хүүхэд шиг, нийслэлийн хамгийн ХӨГЖИЛ МУУ-тай дүүргээр алдаршчихаад байхад, энэ мэт зангаасаа болж суудлаас "ховхорлоо" Н.Баярмөнх өө... Төлөөлөгчдийг чинь ч буруутгах аргагүй бололтой.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.