АХБ: Оффтэйк гэрээнүүдийн сөрөг үр дагавар гарвал нүүрсний экспортын орлогод эрсдэл учруулна

Админ

2023-04-04

Азийн хөгжлийн банкнаас Монгол Улсын 2023-2024 оны эдийн засгийн нөхцөл байдлын төсөөллийг танилцуулав. Энэ үеэр АХБ-ны Ахлах эдийн засагч С.Болд хэлэхдээ "Ер нь бүс нутгийн эдийн засгийн нөхцөл байдал харьцангуй сайжирч байна. Манай улсад бараа, бүтээгдэхүүний нийлүүлэлт доголдох, гадаад худалдаа тасалдах эрсдэл буурч байгаа.

Үүнтэй холбоотойгоор жилийн дундаж инфляцын түвшин 2023 онд 10.9 хувь, 2024 онд 8.7 хувь болж, 2022 оны өндөр түвшний үзүүлэлтээс алгуур буурна гэсэн дүгнэлт гарлаа. Цар тахлын дараагаар төсвийн нийт тэнцлийн ДНБ-д эзлэх хувь хэмжээ эергээр өөрчлөгдөж, эдийн засгийн орчинд төсвийн бодлогоор эдийн засгийг дэмжих шаардлага бага болж байна.

Төсвийн нийт тэнцлийн хувьд 2022 онд төсөв алдагдалтай гарна хэмээн төлөвлөж байснаас буюу УИХ-аас баталсан түвшнээс илүү сайжирсан, ДНБ-д эзлэх байдал нь 0.8 хувьтай тэнцэх хэмжээний ашигтай үзүүлэлттэй гарсан" хэмээлээ.

Эдийн засгийн өсөлтөд харгалзан үзсэн гол нөхцөлүүдэд:

Шинээр гадаад орчны сөрөг нөлөө, цочрол үүсэхгүй,
БНХАУ-ын эдийн засаг нээлттэй хэвээр хадгалагдаж, Орос-Украины нөхцөл байдал одоогийнхоос муудахгүй,
Экспортын тээвэр, логистик илүү сайжрах, нүүрсний худалдааг өрсөлдөөнт үнийн саналд тулгуурлан зохион байгуулах,
Уул уурхайн салбарын өсөлт тээвэр болон бусад секторт эергээр нөлөөлөх,
Оюу толгойн далд уурхайн санхүүжилт, хүдэр олборлолт, баяжуулалт нэмэгдэх,
ДНБ дэх хувийн хэрэглээ эерэг нөлөөлнө. Инфляц, мөнгөний хатуу бодлого, ипотекийн зээлийн эргэн төлөлттэй уялдан багасна,
2023 оны эхний хагаст системийн томоохон 3 банк IPO хийхтэй уялдан зээлийн өсөлт эрчимжихгүй,
2024 онд мөнгөний бодлогын төлөв зөөлрөх орон зай үүсэх, зээл өсөх, Төсвийн зардлын өсөлт үргэлжлэх, нийт зардал 14.3 хувиар нэмэгдэх,
Экспортын өсөлт нийт импортын өсөлтөөс өндөр байснаар цэвэр экспорт ДНБ-д эерэг нөлөө үзүүлнэ гэжээ.

Эдийн засгийн өсөлтийн төлөвийн төсөөллийг бууруулж болзошгүй эрсдэлүүдэд:

ОХУ-Украины нөхцөл байдал удаан үргэлжлэх, илүү хурдтай болох нь худалдаа, хөрөнгийн урсгал, инфляц, гадаад төлбөрт эрсдэл учруулна,
Коронавирусний шинэ хувилбар гарч, халдварын давлагаа ихэсвэл энэ нь бүс нутгийн хэмжээнд шинээр гадаад сөрөг нөлөө, цочрол үүсгэнэ,
Ашигт малтмалын үнэ дэлхийн зах зээлд огцом унах бол мөн гадаад худалдааны нөхцөл, төлбөрийн тэнцэл өөрчлөгдөнө,
Дотоодын улс төрийн эрсдэлд бодлогын тогтворгүй байдал нөлөөлнө,
Оффтэйк гэрээнүүдийн болзошгүй сөрөг үр дагавар гарвал нүүрсний экспортын орлого, төлбөрийн тэнцэлд мөн эрсдэл учруулна хэмээн тооцоолсон байна.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

АХБ: Оффтэйк гэрээнүүдийн сөрөг үр дагавар гарвал нүүрсний экспортын орлогод эрсдэл учруулна

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд