МУИС-ийн Бизнесийн сургуулийн Менежментийн тэнхимээс Бизнесийн удирдлагын чиглэлээр мэргэжилтэн бэлтгэдэг их, дээд сургуулиудын дунд зохион байгуулдаг уламжлалт “Мэдлэгийн менежмент”-ийн улсын олимпиадыг зохион байгуулах гэж байна.
Тус олимпиадын хүрээнд оролцогчид нь их дээд сургуулийн бизнесийн удирдлагын хөтөлбөрөөр суралцах явцдаа олж авсан мэргэжлийн онолын мэдлэгтээ тулгуурлан бизнесийн практик кейс дээр стратегийн оновчтой шийдвэр гаргах ур чадвараараа өрсөлддөг.
Мэдлэгийн менежментийн олимпиад нь олон улсад хүлээн зөвшөөрөгдсөн BSG /Business Strategy Game/ гэсэн онлайн симуляцид суурилан явагддаг юм.
Энэхүү олимпиадад оролцсоноор салбарын болон өрсөлдөөний шинжилгээ хийх, байгууллагын бизнесийг зөв үнэлэх, бизнесийн түвшний болон функциональ түвшний стратегийг амжилттай боловсруулах, бизнесийн эрсдэлийг тооцох, стратегийг хөгжүүлэх ба дахин сайжруулах чиглэлээр бизнесийн бодит орчныг төлөөлүүлэн загварчилсан бизнесийн стратегийн онлайн тоглоомыг интернэтийн орчинд тоглож, хоорондоо өрсөлдөхийн зэрэгцээ дэлхийн бусад орны тоглогчидтой чансаагаа харьцуулан үзэх боломжтой.
Уг тоглоомд Менежементийн чиглэлээр мэргэжилтэн бэлтгэдэг их, дээд сургуулийн багш, оюутнуудаас бүрдсэн баг оролцоно. Олимпиад олон улсад хүлээн зөвшөөрөгдөн BSG /Business Strategy Game/ программын дүрмээр, Англи хэлээр явагдана.
Оролцогчдын зөвлөлдөх уулзалт 2023 оны 04-р сарын 07–ны Баасан гарагт 14.00 цагаас хичээлийн 4-р байрны 314 тоот өрөөнд болно.
Олимпиадын чиглүүлэх сургалт 2023 оны 04-р сарын 15-ны Бямба гарагийн 11:00 цагаас МУИС-ийн 5-р байр Бизнес Төвийн 106 тоот өрөөнд явагдана.
Олимпиадын жинхэнэ тоглолт МУИС-ийн хичээлийн 5-р байр, Бизнес төвийн 106 тоот өрөөнд 2023 оны 04 сарын 29-ны Бямба гарагийн 08.30 цагт эхэлнэ.
Тоглолтын үр дүнгээр дараах байруудыг шалгаруулж, өргөмжлөл, медаль /багийн бүх гишүүдэд/, мөнгөн шагнал олгоно. Үүнд:
I дүгээр байр: 1000000 /нэг сая/ төгрөг
II дугаар байр: 700000 /долоон зуун мянган/ төгрөг
III дугаар байр: 400000 /дөрвөн зуун мянга/ төгрөг
Олимпиадад оролцох багуудын мэдүүлгийг 2023 оны 04 сарын 14-ны 17.00 цаг хүртэл МУИС-ийн Бизнесийн сургуулийн 214 тоот өрөөнд ирж биечлэн бүртгүүлэх эсвэл zulbayar@num.edu.mn хаягаар илгээнэ үү.
Зохион байгуулагч:
МУИС-ийн Бизнесийн сургуулийн Менежментийн тэнхим
Утас: 77307730-4117, 77307730-4113
Холбогдох хүмүүс:
Ө.Зулбаяр, Менежментийн тэнхимийн багш e-mail: zulbayar@num.edu.mn Утас: 94182022
Б.Болор, Менежментийн тэнхимийн туслах ажилтан e-mail:bolornyam.b@num.edu.mn Утас: 99059534
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
