Улаанбаатар хотын нийтийн тээвэр картын системд шилжээд даруй 8 жилийн нүүрийг үзжээ. Тодруулбал, 2015 оны долдугаар сараас буюу Хотын ЭКС дарга Э.Бат-Үүлийн үед шинэ системд шилжсэн байдаг. Анх картын системийг бэлэн мөнгөний ХАЙРЦАГ-тай хослуулж ашигладаг байсан бол иргэд "ДУТУУ, УРАНХАЙ буюу ашиглах боломжгүй мөнгөн дэвсгэрт хийдэг" гэх шалтгаанаар тухайн хайрцгийг 2017 онд хураасан байдаг. Өөрөөр хэлбэл, 100 хувь картын системд шилжүүлээд 5 жил өнгөрөв. Нийслэлийн нийтийн тээвэр бахь байдгаараа...
Бараг суусан автобус бүрийн жолооч нь: "Хөөе, картаа дараач. Картаа цэнэглүүлээч. Байхгүй бол буу" хэмээн шаардлага тавьж байгаа харагдана. Мөн автобусны буудлууд дээрх "ногоон" хантааз бүхий шалгагчид ч дээрх шаардлагыг тавина. Зарим нь ч "Илжигний чихэнд УС хийсэн сэгсэрнэ. АЛТ хийсэн ч сэгсэрнэ" гэсэн янзтай, шаардлага тавихаас залхана.
Харин мань зорчигчид "ЧИХГҮЙ ТОЛГОЙ"-лоод, гэртээ орж байгаа юм шиг л автобусны хойд хэсэг рүү чихнэ. Улмаар жолоочийн бухимдал дээд цэгтээ хүрч, ЧАНГАХАН шаардлага тавихад "Энэ чинь намайг зүгээр байхад загнаж, хөөсөн" гэх мэтээр ГЭМГҮЙ царайлж, хов зөөнө.
Угтаа бол цахим хэрэглээ хөгжсөн, 8 настай балчраас 80 настай буурал хүртэлх ихэнх хүн УХААЛАГ утас ашигладаг болсон цаг. Үүгээрээ олон төрлийн аппликейшн ашиглаж картаа цэнэглэх, банкны картаа ч холбоод ашиглах боломжтой аж. Гэвч монголчууд ухаалаг утсаа бусдын ЗУРАГ ДАРЖ, БИЧЛЭГ ХИЙЖ "ДАРАМТЛАХ" эсвэл ФЭЙСБҮҮК дэх "ХОВ ЖИВ"-д дурлахад л ашиглаж чаддаг гэхэд болно.
Түүнчлэн, түгжрэлээс шалтгаалж автобус удаж ирэхэд, автобусны буудал дээрх хүмүүс суудлын төлөө ДАЙН зарлаж, мөнгөө ч төлөхгүй хойд хаалгаар нь чихнэ. Мэдэн будилж, буух карт уншигчид нь картаа уншуулж үзнэ. Мэдээж, тэнд уншихгүй.
Нийслэлийн Нийтийн тээврийн газраас сүүлийн нэг сарын хугацаанд хийсэн шалгалтаар бэлэн мөнгөөр зорчиж буй 12,219, картын үлдэгдэл хүрэлцэхгүй 7635 зөрчил илэрчээ.
"Ямар ч хүнд "САВАН"-гийн мөнгө олддог" гэдэг шиг "Ямар ч хүнд 500 төгрөг олдоно". Иргэд мөнгөгүйдээ биш, автобусны жолоочдын ЯНЗ"-ыг үзээд байх шиг...
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
