1072 хувьцааны ногдол ашиг тараавал нэг хүнд 100 орчим мянган төгрөг ногдоно. Үүнийг энэ сарын 28-нд шийднэ

Админ

2023-04-13

"Эрдэнэс Тавантолгой" ХК-ийн Бүрэн эрхт төлөөлөгч Ж.Ганбат ногдол ашиг тараах болон бусад цаг үеийн асуудлаар мэдээлэл өгөв. Энэ үеэр хэлэхдээ

"2012 оны дөрөвдүгээр сарын 11-нээс өмнө төрсөн 2.5 сая иргэн "Эрдэнэс Тавантолгой" ХК-ийн 18.4 хувийг эзэмшиж байгаа. 2020 онд нэг иргэнд 96 мянган төгрөгийн ногдол ашиг тараасан.

Өнгөрсөн 2022 оны тайлангаар 1.3 их наядын ашигтай ажилласан байна. Үүнийг хувьцаа эзэмшигч 2.5 сая иргэнд хуваарилбал нэг хүнд 100 гаруй мянган төгрөг ногдоно.

Гэхдээ угаах үйлдвэрээ дуусгах шаардлага байгаа. Угаах үйлдвэрээ ашиглалтад оруулж, орлогоо нэмэгдүүлэх нь чухал. Тиймээс ногдол ашиг тараах уу, угаах үйлдвэрээ барих уу гэдэг асуудал бий болоод буй.

Энэ сарын 28-ны хувьцаа эзэмшигчдийн хурлаар ногдол ашиг тараах эсэх талаар шийдвэр гарна. Хэрэв ногдол ашиг тараана гэвэл хувьцаа эзэмшигч тус бүрт дээр хэлсэнчлэн 100 орчим мянган төгрөг тараана" гэж хэллээ.

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.