Монгол Улсын Засгийн газраас 2023-2025 оныг "Монголд зочлох жил" болгон зарласантай холбоотойгоор хогноос эхлээд модон "00"-ын асуудал хүртэл хөндөгдөж, БОАЖЯ-нд ӨНДӨР үүрэг ирээд буй. Тэгвэл БОАЖ-ын сайд Б.Бат-Эрдэнэ орон нутгийн Засаг дарга нарт үүргэж өгч, цахим хуудсаараа "ПОП"-рохоос өөр ажил хийхгүй л байна. Тэр угаасаа ч ПОП нэгэн. Энийг нь "УТАА"-ны асуудлаас бэлхэн харж болно. 2022 оны эхэнд сайдын ажил авахдаа "Ажлаа хамгийн эхэнд агаарын бохирдлоос эхэлнэ" гэж хэлсэн байдаг ч "НҮДЭНД үзэгдэж, ГАРТ баригдах" үр дүн гараагүйг хэн бүхэн харсан биз...
Үүн шигээ "00"-ын асуудал нь хөсөр хаягдах вий... "Өөдлөх айл үүднээсээ" гэдэг шиг салбарын чинь "ҮҮД" бие засах газар шүү, Б.Бат-Эрдэнэ сайд аа.
Б.Бат-Эрдэнэ сайдыг гайхаж суух зуур "Монголын Жорлонгийн холбоо" нээлтээ хийснээ хэвлэлээр дамжуулж зарлав.
Тус холбооны Ерөнхийлөгч, Доктор Д.Басандорж “Бидний тооцоолсноор Монгол Улсад хоёр сая гаруй нүхэн жорлон байна. Зуслангийн нэг айлын худгийн хажууд хөрш айлынх нь нүхэн жорлон байх жишээтэй. Бусад бүх орон нүхэн жорлонгоос салсан. Гэтэл манай улсад тогтвортой хөгжлийн зорилт батлагдаад гурван жил болж байхад жорлонгийн асуудал дээр ахиц дэвшил гарсангүй. Аймаг, сумд ойн баяраа хийхдээ баяр наадмаас илүү нүхэн жорлонгийнхоо асуудлыг шийдэх хэрэгтэй. Хүн бүр ухаалаг гар утастай байгаа ч яагаад ухаалаг жорлонтой байж болдоггүй юм бэ. Бид мэргэжлийн байгууллагын хувьд Монголын байгаль, цаг уурын орчин нөхцөлд тохирох жорлонгийн технологийн хувьсгал хийнэ" хэмээв.
Б.Бат-Эрдэнэ сайд аа, "00"-ын асуудлаа шийдэх гэж толгойгоо "ГАШИЛГАЖ" суугаа бол мэргэжлийн доктор, зөвлөхүүдтэй зөвлөлдөөч. Юу юугүй л ЗУН боллоо доо...
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
