Б.Содномдаржаа, Т.Чимгээ нарт холбогдох хэргийг ХЭРЭГСЭХГҮЙ болгов. Тэднээс уучлалт гуйж, нөхөн олговор олгох уу

Админ

2023-04-19

С.Зориг агсныг хөнөөсөн хэрэгт иргэн Б.Содномдаржаа, Т.Чимгээ нарыг буруутган гурван шатны шүүхээс 20-25 жилийн ял оноосон. Тодруулбал,

2017 оны наймдугаар сарын 4-ний шүүх хуралдаанаар анхан шатны шүүхийн шйидвэрийн магадлалд өөрчлөлт оруулж, Б.Содномдаржаа, Ц.Амгаланбаатар нарт оногдуулсан 25 жил, Т.Чимгээд оногдуулсан 24 жил хорих ялыг 20 жил болгон өөрчилж, ялыг хаалттай дэглэмтэй хорих ангид эдлүүлэхээр тогтоосон. Мөн Ц.Амгаланбаатар, Б.Содномдаржаа нарыг онц аюултай гэмт хэрэгтнээр тооцсоныг хүчингүй болгож шийдвэрлэж байв.

Мөн Б.Содномдаржаа, Т.Чимгээ нарыг эрүүдэн шүүсэн гэх хэрэгт ТЕГ-ын дарга Б.Хурцад 1.6 жил хорих, Улсын Ерөнхий прокурорын орлогч асан Г.Эрдэнэбатад нэг жил хорих ял оногдуулсан билээ. Гэвч Ерөнхийлөгч асан Х.Баттулга Б.Хурцад уучлал үзүүлсэн.

Түүнчлэн, С.Зоригийг амь насыг хөнөөсөн гэх хэргийг задалж, дахин хянуулах дүгнэлтийг Нийслэлийн Прокурорын газраас Улсын Дээд шүүхэд гаргасан. Улмаар Дээд шүүх 2021 оны тавдугаар сарын 14-нд хуралдаж, Т.Чимгээ, Б.Содномдаржаа нарыг батлан даалтад гарган тэдэнд холбогдох хэргийг шалгаж байсан юм. Тэгвэл мөрдөн шалгах ажиллагаа дуусаж, Т.Чимгээ, Б.Содномдаржаа нарт холбогдох хэргийг прокурорын байгууллагаас хэрэгсэхгүй болгожээ.

Үүнээс шалтгаалж, тэднээс уучлалт гуйж, нөхөн олговор олгох асуудал хөндөгдөж магадгүй байна.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.