ХУРДАН зугтаад байгаа Н.Удаанжаргалыг Засгийн газрын "ШУВУУ" барих уу

Админ

2023-04-21

"НҮҮРСНИЙ" болон авлига, албан тушаалын хэрэгт холбогдож, гадаад руу оргон зайлсан этгээдүүдийг авчрах Засгийн газрын "ШУВУУ" ажиллагаа үргэлжилж буй. Энэ хүрээнд эрэн сурвалжилж байгаа хүмүүсийн нэг нь "Тавантолгой төмөр зам" ХХК-ийн гүйцэтгэх захирал асан Н.Удаанжаргал билээ. Тэрбээр,

Монголоос анх гарахдаа "томилолттой" хэмээгээд, БНСУ руу "мурьсан" байдаг. Эрэн суралжлах ажлын хүрээнд түүнийг Аргентинд байгааг 2 долоо хоногийн өмнө тогтоож байв. "ШУВУУ" ажиллагааныхан тус улсын талтай ярилцаж байтал Тайландад очжээ.

"ШУВУУ" ажиллагааны хүрээнд эрэн сурвалжлагдаж буй хүмүүсийн дансыг хааж, гадаад пасспортыг хүчингүй болгож байгаа. "Шувуу"-гаар ирсэн эхний хүн Т.Бадамжунай Филиппин улсад АТМ-наас мөнгө авч байгаад баригдсан байдаг. Тэгвэл Н.Удаанжаргал ээжийнхээ нэр дээрх картаар гүйлгээ хийж, өөрийгөө барьж өгөөд байгаа аж.

Сүүлийн үеийн мэдээллээр, энэ сарын 19-нд Тайландаас Малайз руу автомашинаар хил гарчээ. Н.Удаанжаргал нэртэй боловч "хурдан" зугтаад буй түүнийг Засгийн газар хэрхэн барих вэ, Малайзаас хаашаа зугтахыг ч хэлж мэдэхгүй нь...

Нийт сэтгэгдэл 2

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.