Засгийн газрын хуралдаанаас гарсан шийдвэрийг танилцуулах үеэр ХЗДХ-ийн сайд Х.Нямбаатар авлигын индексийн талаар мэдээлэл өглөө. Тэрбээр,
"Өнгөрсөн жил Монгол Улс 33 оноотойгоор 116 дугаар байрт жагсаж байсан. Тэгвэл энэ үзүүлэлтийг сайжруулахын тулд "Трансфэрэнси интернэйшнл" ТББ-аас дараах тодорхойлолтуудыг гаргасан байдаг. Нэгдүгээрт, Байгалийн баялаг ихтэй улсад баялагийн үр өгөөжийг төвлөрүүлэх, хуваарилах шийдвэр гаргахтай холбоотой мэдээллийг ил тод болгохыг зөвлөсөн. Өөрөөр хэлбэл, "Олборлох салбарын ил тод байдлын тухай хуулиа амилуулаач ээ" гэсэн үг. Хоёрдугаарт, Төрийн албан хаагчдыг нийтийн бус хувийн ашиг сонирхлын төлөө ажилладаг хандлагаа өөрчлөх хэрэгтэйг сануулсан байдаг" хэмээн онцоллоо.
Түүнчлэн, "УИХ-ын чуулганаар хүний эрхийн 22 дугаар тайланг хэлэлцсэн. Энэ үеэр үг хэлэх, үзэл бодлоо илэрхийлэх эрх, эрх чөлөөгөө эдэлж байгаа хүмүүсийг шүүхийн шийдвэргүйгээр 24 цагаар баривчлаад байна" гэж нэр бүхий гишүүд ярьсан. ШЕЗ, мөрдөх байгууллага, прокуророос мэдээлэл цуглуулахад "2020-2023 онд жагсаал цуглаан зохион байгуулж, үг хэлэх, үзэл бодлоо илэрхийлсэн иргэдийг шүүхийг шийдвэргүйгээр баривчилсан зүйл огт алга. Цагдаагийн байгууллага хүнийг 6 цаг хүртэл хугацаагаар саатуулж, хэн болохыг тогтоодог, үүнийг баривчлах гэж хэлэхгүй.
Баривчлах процесс гэдэг нь 24 цагийн хугацаагаар хүнийг баривчилж, хэргийн эд мөрийн баримтыг устгуулахгүй, оргон зайлахгүй байх зорилгоор прокурорын зөвшөөрөл дор явагддаг. 24 цагаас хойш эрх, эрх чөлөөг хязгаарлах тохиолдолд заавал шүүх хурал хийж, 30 хоног цагдан хорих, таслан сэргийлэх арга хэмжээ авдаг.
Тайлан илтгэлтэй холбогдуулж өгсөн зөвлөмж нь жагсаал цуглааны тухай хуулийг шинэчлэх шаардлагатай гэсэн. Жагсаал цуглааны тухай хуульд орох өөрчлөлт нь жагсаал цуглаан хийхээ нийгмийн хэв журам сахиулах байгууллагад мэдэгдэх заалтыг оруулна" гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
