Ц.Даваасүрэн: Норвеги улс бол баларсан орон

Админ

2023-05-15

Үндсэн хуулийн өөрчлөлтийн төсөл өргөн баригдсанаас хойш УИХ-ын гишүүдийн боловсролын түвшин, олон нийтэд таалагдахын тулд юу ч хамаагүй ярьдаг байдлыг олон нийт хараад авлаа. ДНБ-ий хэмжээгээр дэлхийд 6-р байрт, эдийн засгийн өрсөлдөх чадвараар эхний тавдугаарт багтдаг Норвеги улсыг нүүрс, Хөгжлийн банк зэрэг улсын хамаг сан, өнгөтэй өөдтэйг дээрэмдсэн эрх мэдэлтнүүдээр дүүрсэн парламенттай Монгол Улсын Их Хурлын гишүүн "Баларч байгаа" хэмээн муулахыг хоёр чихээрээ сонслоо. Уг нь Норвеги биш, Монгол баларч байгаа юмсан. Учир нь 76 гишүүний 4-5 нь сууж байгаад хууль баталдаг, тав арваараа нэгдэж бүлэглэлд орж улсаа дээрэмддэг 30 жилийн туршлага манайд бий.

"Хэн нэг бизнесмений түрийвчинд орж, тэдэнд ашигтай хууль баталдаг УИХ-ын гишүүдийн тоог нь нэмж, элдэв бүлэглэлд харьяалагддаг асуудлыг болиулъя" гэж зүтгэхэд Ц.Даваасүрэн гишүүн эгдүүцсэн нь энэ.

Норвеги улсын жишээг авч, баларсан орон шүү дээ гэж анхааруулж байгаа нь дэлхийд инээдэм болох шинжтэй. “Баларсан” Норвегичууд энэ яриаг нь сонсвол жинхэнэ баларч яваа Монгол Улсыг шоолох нь дамжиггүй.

Учир нь манай улс Норвегийн хажууд ДНБ, эдийн засгийн өрсөлдөх чадвар зэрэг үзүүлэлтээрээ хол хоцорно. УИХ-ын гишүүн хэмээх алдар зүүхээрээ дарга гэж өөрийгөө сэтгэн, хүссэн бүхнээ гүйцэлдүүлэх гэж улайран дайрдаг гишүүдийг хазаарлая гэж Үндсэн хуулийн өөрчлөлтийн төсөл өргөн барьсан.

Үүнийг эсэргүүцэж суугаа хүмүүс бол өөрсдийнх нь эрх ашиг хөндөгдөж эхэлж байгаа учраас ингэж үймж байна гэж харж болохоор. Дэлхий өөрчлөгдөж байна. Улс орон бүр ардчиллаа хэрхэн хамгаалж үлдэх вэ гэдэг асуултад хариулт олохыг хичээж явна. "Бид ч бас гаднын нөлөөллөөс сэргийлэхийн тулд нийгмийн төлөөллийг бүрэн хангаж парламентаа бэхжүүлье" хэмээн зориглож эхэллээ. Энэ өөрчлөлтийг “дарга нар дахиад нэмэгдэх нь” хэмээн муйхарлан эгдүүцэж байгаа нь эргээд улс орны аюулгүй байдал, ардчилсан засаглалыг дарангуйлал руу шилжүүлэх аюул гэдгийг ойлгох ухаан хайрлаач.

“Баларсан” хэмээх Норвегийг даган дуурайх уу, жинхэнээсээ баларч уруудан доройтох уу гэдэг сонголт бидний өмнө ирлээ.

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

Бар - 2 жил өмнө

хариулах

МАН н дээрэмчидээс бид сална салахч ёстой үүний дараа та нарын үр хүүхэд ач гуч нарын бүх хөрнгыг хурааж бүгд н гудманд хөөжгаргаж дахиж нар үзүүлэхгүй байх бүх арга чарыг хэрглх болно до хулгайчууд минь.