Л.Оюун-Эрдэнийн Засгийн газарт бараг л БШУ-ы сайд Л.Энх-Амгалан шиг "САЙН ХҮН" байсангүй гэхэд тэгж хол зөрөхгүй болов уу. Учир нь боловсролын салбарын шинэчлэл болон хуурамч дипломын эздийг тодруулж, БЗС-гийн зээлдэгчдийн мэдээллийг ИЛ болгон танилцуулж байлаа.
Гэвч тэрбээр, өнөөх "Боловсролын зээлийн сан"-гийн будлианд өөрөө хутгалдав. Тодруулбал, өнгөрсөн баасан гарагт БЗС-гийн талаар мэдээлэл хийх үеэрээ "Миний дүү ОХУ-ын Цагдаагийн академи руу сурахаар зээл авсан. Тухайн үед би бизнес эрхлэгч л байсан. Өнгөрсөн хугацаанд үе үеийн сайд нар тушаалаа гаргаж, гадаад руу явуулсан 2,380 хүүхдийн мэдээллийг ил болгож байна" гэсэн юм. Энэ нь бараг л "Зүүдээ ярих гээд хулгайгаа ярина" гэгчийн үлгэр нь бололтой. 2004 онд Л.Энх-Амгалан бизнес эрхлэгч байлаа ч зээл авахаар хэмжээний хүн байсан гэвэл "ЭРГЭЛЗЭЭТЭЙ".
Түүний хувьд 1996-2012 онд "Юнител" групп, "MCS электроникс" ХХК-ийн захирлуудын зөвлөлийн дарга, "MCS" группын тэргүүн дэд ерөнхийлөгч байв.
Мөн дүүгээс нь гадна түүний эхнэр Машбатын Сэржмядаг 2005 онд Австралийн Мельбурны их сургуульд хууль эрх зүйн чиглэлээр магистерт 1.5 жил суралцахаар Боловсролын зээлийн сангаас 33.5 мянган ам.долларын зээл авсан бөгөөд БСШУ-ны сайдын 2017 оны долдугаар сарын 27-ны өдрийн дугаар А/88 тоот тушаалаар чөлөөлсөн байгаа юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2021
