МҮХАҮТ-ын дэргэдэх Бизнесийн Ёс Зүйн Төвөөс өнөөдөр бизнес эрхлэгч нарт зориулж өглөөний ажил хэрэгч уулзалтыг зохион байгууллаа. Тус уулзалтын хүрээнд 60 орчим бизнесийн төлөөлөл авлигыг бууруулах талаарх өөрсдийн саналаа АТГ-ын удирдлагад хүргүүлсэн юм.
Монгол улс 2020 онд авлигын индексээр таван байр ухарч, 180 улсаас 111-рт жагссан талаарх мэдээллийг Транспэрэнси Интернэшнлээс танилцууллаа.
Уулзалтад оролцогчид төрийн албаны авлига, хүнд суртал үүсгэж буй нөхцөл байдал, төрийн албаны хариуцлага, ёс зүй болон бизнес эрхлэгчдэд тулгамдаж байгаа асуудлуудыг хөндөн, цаашид эдийн засгийг эрчимтэй хөгжүүлэхэд хувь нэмэр үзүүлэх арга хэмжээний талаар нээлттэй ярилцав.
Уулзалтын үеэр МҮХАҮТ-ын Ерөнхийлөгч О.Амартүвшин “Төрийн байгууллагатай харьцахад тулгарч буй хүнд суртал, авлига, ашиг сонирхлын зөрчлөөс байгууллагаа болон өөрсдийгөө хамгаалах талаар дорвитой арга хэмжээ авах шаардлага үүссэн энэ үед “Бизнесийн ёс зүй, шударга байдлыг бэхжүүлэх төсөл”-ийг хэрэгжүүлэхээр МҮХАҮТ-ын дэргэд “Бизнесийн ёс зүйн төв” өнгөрөгч тавдугаар сараас үйл ажиллагаагаа явуулж эхлээд байна.
Бизнесийн ёс зүй, шударга байдлын олон улсын мэдлэг, мэдээллээр Транспэрэнси Интернэшнл хангаж байгаа бол бизнесийн ёс зүйн тэргүүн туршлагыг хэрэгжүүлдэг Рио Тинто групп өөрсдийн туршлагаа хуваалцаж, ажлын арга барилаасаа хуваалцах юм" гэлээ.
Б.Даваасүрэн "Рио Тинто" группийн Харилцаа Хамтын ажиллагаа Хариуцсан менежер
"Бизнес эрхлэгч нарт тулгамдаж ирсэн хамгийн чухал асуудал бол ёс зүй байдаг. Түүнчлэн бизнес эрхлэгч буюу баялаг бүтээгч нараа дэмжих зорилгоор манай байгууллага үйл ажиллагаагаа энэ хугацаанд явуулж ирлээ. Мөн энэхүү уулзалтад өнөөдрийн байдлаар 60 гаруй бизнес эрхлэгч нар хамтран оролцлоо.
Энэхүү уулзалтад оролцож буй дотоодын томоохон байгууллага болох Сүү ХХК, Монос ХХК, Ханбогд кашмер болон эмэгтэй бизнес эрхлэгч, эмэгтэйчүүдийн төлөөлөл ирж оролцож байна.
Манай байгууллагын эрхэм зорилго бол дотоодод үйл ажиллагаа эрхэлж буй бизнес эрхлэгч нараа дэмжин ажиллаж, олон улс буюу гадаадаас хөрөнгө оруулалт авч чаддаг байх хэмжээнд хүргэж мөн гадны тусламжид, зээлд ямар ч асуудалгүй хамрагдах гэх мэт олон зүйлийг өмнөө зорилго болгон ажиллана" хэмээн тэрбээр мэдээллээ.
Ч.Ганцэцэг "Ханбогд кашмер"-ийн захирал
"Манай салбарын бизнес эрхлэгч нарт хамгийн их түгээмэл гардаг асуудлын нэг бол авилгын хэрэг байж ирсэн. Өөрсдийн ажлыг бүтээхийн тулд аль нэг салбарын албан тушаалтад авлига өгч ажил үйлсээ бүтээж байна. Үүнээс гадна төр засаг Хууль эрхзүйн хувьд бизнес эрхлэгч нарыг дэмжсэн санаачилга болон хууль шийдвэрийг хэрэгжүүлэх хэрэгтэй. Түүнчлэн наад зах нь цаг хугацааны хувьд оновчтой цаг хугацааг тусгаж өгөх нь зөв. Бизнес эрхлэгч нар төрийн аль нэг албан байгууллагаар үйлчлүүлэхэд хүндрэл үүсдэг, мөн бичиг баримт цаг хугацаандаа гарч ирэхгүй, авлигач, төрийн ажилтан нь бизнес эрхлэгч нараасаа илүү чамин үнэтэй эд хэрэгсэл эдэлж зүүж байна. Авлигатай тэмцэх газрын дарга асан Б.Хурц маш олон жилийн хугацаанд бизнес эрхлэгч нарыг дарамталж үйл ажиллагааг нь хязгаарлаж ирсэн нь бизнес эрхлэгч нарт асуудал болдог" гэлээ.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
