НҮБ-ын чуулганы шийдвэрээр жил бүрийн наймдугаар сарын 12-ны өдрийг "Олон улсын залуучуудын өдөр" болгон тэмдэглэж байхаар шийдвэрлэсэн байдаг. Тэгвэл Монголын залуучуудын холбоо, БГД-ийн хүүхэд залуучуудын хөгжлийн төвөөс БГД-ийн 16-р хорооны нутаг дэвсгэр болох "Гандантэгчэнлин хийд"-ийн эргэн тойрондох нийтийн эзэмшлийн талбайг цэвэрлэх аяныг өнөөдөр зохион байгууллаа.
Тус аянд хүүхэд залуучууд хөгжлийн төвийн 120 гаруй залуучууд хамтарчээ. Баянгол дүүргийн нэгээхэн хэсэг болох "Гандантэгчэнлин хийд"-ээс эхэлсэн энэ ажил цаашлаад олон газар хийгдэх төлөвтэй.
Энэхүү өдөр нь залуучуудын дуу хоолойг сонсон, санал санаачилгыг дэмжиж, нийгмийн харилцаанд тэгш эрхтэйгээр оролцох боломжийг хангахад чиглэдэг өдөр болж өндөрлөлөө.
БГД-ийн Хүүхэд залуучуудын хэлтсийн дарга Б.Даваажаргал:
Баянгол дүүргийн ажлын алба, Гэр бүл, хүүхэд залуучуудын хэлтсээс энэхүү сайн үйлсийн аянг хороо, дүүрэг дээрээ зохион байгуулж байна. Энэ нь Монголын залуучуудын холбооны 100 жилийн ойн дээр хийгдэж байгаа гэж ойлгож болно. Мөн хороо, дүүргийн залуусыг нийгмийн үйл ажиллагаанд идэвхжүүлэх хүрээнд энэ аян хийгдэнэ. Энэ наймдугаар сарыг хүүхэд, залуучуудыг дэмжих сар болгосон.
Сарын аяныг өнөөдөр бид нээж үйл ажиллагаагаа эхлүүлж байна. БГД-ийн хүүхэд, залуучуудын хөгжлийн төв энэ сард нийгэм руу чиглэсэн хэд хэдэн зүйлсийг хийхийг зорьж байна.
Залуу хүн бол нийгмийг бүрэлдүүлж буй нэг элемент байдаг. Тиймээс дүүргийн хүүхэд залуучууд бидэнтэй нэгдээсэй хэмээн хүсэж байна.
БГД-ийн Залуучуудын хөгжлийн зөвлөлийн нарийн бичгийн дарга н.Уранбилэг:
Монгол улсад залуучуудын байгууллага үүсэж хөгжөөд 100 жил болсон байна. Өнөөдрийн байдлаар бүх шатны байгууллагад чадварлаг залуу боловсон хүчин ахмад үетэйгээ мөр зэрэгцэн ажиллаж байна. Энэ удаа МЗХ болон БГД-ийн хүүхэд залуучуудын хэлтэс нэгдэн БГД-ийн 16-р хороонд "Хот хоггүй бол гоё" аяны хүрээнд Гандантэгчэнлин хийдийн эргэн тойрондох талбайн хог хаягдлыг цэвэрлэж байна.
Энэхүү аянд өнөөдрийн байдлаар БГД-ийн 120 гаруй залуучууд нэгдэн оролцож байна. Засгийн газраас хэрэгжүүлж буй ажлын нэг хүүхэд залуучуудын төв нь залуучуудын оролцоонд хамаарах энэхүү аян нь энэ наймдугаар сарын хугацаанд үргэлжилнэ. Засгийн газраас нийслэлийн дүүрэг болон аймаг, сумын хүүхэд залуучуудын хөгжлийн зөвлөлийг байгуулж байна.
Мөн бид цаашид шат дараалалтайгаар нийслэлийн олон нийтийг хамарсан газрын цэвэрлэгээний ажлыг хийнэ. Манай хүүхэд залуучуудын зөвлөл хүүхэд бүрт нээлттэй байгаа. Хүүхэд залуучууд манай зөвлөлд нэгдэхийг хүсвэл хороо, дүүрэг дээрээ очин бүртгүүлэх боломжтой.
БГД-ийн 19-р хорооны Иргэний танхимын зохион байгуулагч Э.Энхцэцэг:
БГД-ийн 16-р хороонд байрлах нийтийн эзэмшлийн талбайг буюу Гандантэгчэнлин хийдийг хүүхэд залуучууд нэгдэн цэвэрлэж байна. Бид Гандантэгчэнлин хийдийн задгай талбайгаас эхлэн Баруун дөрвөн замын уулзвар хүртэлх нийтийн эзэмшлийг талбайг цэвэрлэнэ.
Нийтийн эзэмшлийн талбайд хамгийн их хаягдсан зүйлсэд чихрийн цаас, зайрмагны цаас, тамхины иш гэх мэтээр зүйлийг иргэд ихээхэн хаясан байна.
Иймд та бүхэн нийтийн эзэмшлийн газарт хог хаяхгүй байгаасай гэж бидний зүгээс хүсэж байна.
Төр.мн
Like
0
Зөв
0
0
Буруу
0
Воов
1
Уйтгартай
1
Дуртай
Шилдэг залуу эрдэмтэн, эмч нар Ерөнхийлөгчийн нэрэмжит шагнал хүртлээ
© 2013-2023. Вэб сайт бүтээсэн: Tsast Solution LLC
