Нийслэлд хамгийн их тулгамдаг асуудлаар замын хөдөлгөөний түгжрэл болон автомашины зогсоолын шийдэл байдаг. 2020 оны арванхоёрдугаар сарын 1-ээс хойш Монгол Улсын гаалиар 128,885 автомашин нэвтэрсэн байна
Олон улсын автомашины зах зээлээс автомашин орж ирэх хэмжээгээр замын хөдөлгөөн, авто зогсоол, автомашины түгжрэл, агаарын бохирдол өндөр болсон. Өнөөдрийн байдлаар улсад бүртгэлтэй 1,049,485 автомашин замын хөдөлгөөнд оролцож байна.
Төрийн болон хувийн байгууллага гадна талбайн авто зогсоолыг шийдвэрлэж чадаагүйн улмаар иргэд автомашинаа ачуулах тоо сүүлийн 3 жилд эрс нэмэгдсэн.
Энэ жилийн тоон судалгаагаар автомашин ачилтын 15 байгууллага үйл ажиллагаагаа явуулж байна. Өнгөрсөн онд 18 байгууллага үйл ажиллагаа явуулах эрхтэй байсан боловч гурван байгууллагын үйл ажиллагааг зогсоосон. Нэг байгууллага өдөрт дунджаар 30-40 автомашин ачдаг байна. Нэг удаагийн ачилт болон журмын хашаанд байх төлбөр 70 мянган төгрөгөөс дээш тооцогддог байна.
Машинтай иргэдэд зогсоол олдохгүй болохоор түр зогсож болох боломжтой газарт машинаа тавьдаг. Энэ нь ачилтынханд бэлэн өгөөш болно. Ачилтын хураамж өндөр байгаа болохоор л тэд ашиг орлогын хойноос хөөцөлдөөд байгаа юм. Иргэдэд 70-110 мянган төгрөг илүүдсэндээ дүрэм журам зөрчин зогсоолгүй газар машинаа тавиад байгаа юм биш. Авто зогсоол хангалттай байдаг бол дүрэм, журам юу гэж зөрчихгүй. Өндөр торгуулиар замын хөдөлгөөний зөрчлийн асуудлыг зогсоох гэж оролдох нь ямар ч үр дүнд хүргэхгүй. Зогсоолын хүрэлцээ хангамжгүй байдлаас болж нэгдүгээр эгнээнд автомашинаа тавиад байгаа гэдгийг дээр, дооргүй бүгд мэднэ.
Автомашин ачилтын байгууллагын ачигч машин замын хөдөлгөөний дүрмийг үл хэрэгсэн хөдөлгөөнд оролцож, замын хөдөлгөөний дүрэм тэдэнд үйлчлэхгүй мэтээр явж ирлээ. Тэд давхар цагаан зураас, гэрлэн дохио, явган хүний гарц, хотхон доторх хөдөлгөөнд зүй бусаар оролцож нийтийн өмчид хууль бусаар халдаж байна.
Иргэдийн халааснаас мөнгийг нь авах нь тэдний зорилго уу, эсвэл нийслэлд үүсэх аюулаас урьдчилан сэргийлэх үүрэгтэй юу гэдгээ өнөөдрийг хүртэл ухамсарлаагүй байна. Тэд иргэдээс мөнгө салгаж л байвал тэр нь ажил нь болжээ. Иргэдийн буруутай үйлдлээс биш авто жогсоолыг шийдэж чадаагүй улсаасаа болж иргэд санхүүгээрээ өнөөдрийг хүртэл хохирч ирлээ.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
Машин ачилтын компаниудын тусгай зөвшөөрлийг цуцлах хэрэгтэй хүний хувийн өмчид шууд халдаж болдог юм уу энэ бол цэвэр ашиг сонирхол.
© 2013-2023. Вэб сайт бүтээсэн: Tsast Solution LLC
