Сонгинохайрхан дүүрэг 2021 оныг “Иргэдэд ээлтэй ногоон дүүрэг” болгох зорилтыг дэвшүүлсэн. Энэ зорилтын хүрээнд дүүргийн Засаг дарга Н.Алтаншагай мөрийн хөтөлбөртөө 43 хороог бүрэн гэрэлтүүлэгтэй болгох, ногоон байгууламжийг нэмэгдүүлэх, хоггүй цэвэр орчинтой болгох, иргэдэд ээлтэй орчныг бүрдүүлэх гэсэн зорилтыг тусган ажиллаж байна.
-Нийслэл, дүүргийн Засаг даргын 2021-2024 оны үйл ажиллагааны хөтөлбөр, дүүргээс сонгогдсон УИХ-ын гишүүд, Нийслэл, дүүргийн ИТХ-ын гишүүдийн мөрийн хөтөлбөрийн хүрээнд 43 хороо бүрт бүтээн байгуулалтын ажлууд өрнөж байгаа юм. Тэдгээрийн нэг болох 4-р хороонд энэ онд Улс, нийслэл, орон нутгийн төсвөөр хийгдэж байгаа хэд, хэдэн томоохон бүтээн байгуулалтын ажлуудыг танилцуулж байна.
Тус хорооны нутаг дэвсгэр дээр нийслэлийн хөрөнгө оруулалтаар 640 хүүхдийн суудалтай сургууль баригдаж байна.
Гүйцэтгэгч байгууллагаар “Ванхүү ХХК” тендерт сонгогдож одоогийн байдлаар 83 хувийн гүйцэтгэлтэй байгаа бөгөөд 4-р улиралд бүрэн хүлээлгэж өгөхөөр ажиллаж байна. Мөн гадна талбайдаа мини хөл бөмбөгийн талбайн тохижилтын ажил хийгдэх юм
Орон нутгийн хөгжлийн хөрөнгөөр үерийн ус зайлуулах 300 метр суваг шуудууг “MWT ХХК” 2020 онд гүйцэтгэгчээр шалгарч, гүйцэтгэл 90 хувьтай үргэлжилж байна
Нийслэлийн хөрөнгө оруулалтаар “Арвайн үндэс” ХХК-ны баруун талаас “Алтан тариа” ХХК хүнсчдийн гудамж хүртэлх 0.8 км замын ажил 90 хувийн гүйцэтгэлтэй үргэлжилж байна. Тус зам нь зорчих хэсэг 7 метр өргөнтэй хоёр эгнээтэй, явган хүний зам хоёр талтай, нэг метр өргөнтэй, гэрэлтүүлэг нэг талдаа юм
Нийслэлийн хөрөнгө оруулалтаар “Толгойт “ хөгжлийн төв барилгын ажил 80 хувийн гүйцэтгэлтэй явж байна. Энэхүү төв нь спорт заал, чийрэгжүүлэх төв ,ахмадын амралтын өрөөтэйгөөр тохижуулж байгаа бөгөөд ашиглалтад орсноор Толгойтын хороодын ахмадууд болон хүүхэд залуучууд чөлөөт цагаа зөв боловсон өнгөрүүлэх орчин нөхцөл бий болно
Нийслэлийн хөрөнгө оруулалтаар “Арвайн үндэс” ХХК уулзвараас хойш Улаанчулуут чиглэлд хийгдэж буй 370 метр авто замын засвар шинэчлэлийн ажлыг энэ сард багтаан хүлээлгэж өгөхөөр ажиллаж байна. Тус зам нь зорчих хэсгийн 7 метр өргөнтэй хоёр эгнээтэй, хоёр талдаа явган хүний зам 1.5 өргөнтэй, хурд сааруулагчтай
Нийслэлийн хөрөнгө оруулалтаар “Нийслэлийн жишиг гудамж” төслийн хүрээнд тус хорооны нүүрний гудамж тохижуулах Их нарангийн нэгдүгээр гудамжнаас мал тууврын нэгдүгээр гудамж хүртэлх айлуудын хашааг шинэчилж нэг хэлбэрээр блоклон иргэдийн ая тухтай амьдрах орчинг сайжруулах ажлыг хийж байна
Австри-Монгол улсын засгын газрын санхүүгийн хамтын ажиллагааны хүрээнд хэрэгжих “Дэд бүтцийн Хөгжилд-Сонгинохайрхан “ төслөөр тус хорооны нутаг дэвсгэр дээр нийт 236 ширхэг гэрэлтүүлгийн шон суурилуулахаар төлөвлөгдсөн бөгөөд есдүгээр сарын 15-ны өдөр гэхэд ажил бүрэн дуусна. Энэхүү ажил хийгдсэнээр тус хороо 93 хувийн гэрэлтүүлэгтэй болж иргэдэд аюулгүйн орчин бүрдэх юм
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
