МБШТ Гандантэгчэнлин хийдийн лам нар "ЛАМХАЙ" хүүхдүүдэд бэлгийн хүчирхийлэл үйлдсэн" гэх ШУУГИАН дэгдээд долоо хоног өнгөрөв. Өнөөдөр /2023.06.23/ тус хийдээс хэвлэлийн бага хурал зарлаж, сэтгүүлчдийг дуудлаа.
Бид очихдоо "Тэд ядаж л сүсэгтэн олноосоо УУЧЛАЛ гуйгаад бөхийх болов уу" гэх хүлээлттэй байсан юм. Гэтэл тэгсэнгүй. Харин ч байдал эсэргээрээ эргэж, гомдол гаргасан ламхайн ээж болон хэвлэлийнхэнийг буруутган, өөрсдийнхөө арьсыг хамгаалсан мэдэгдэл хийлээ. Тухайлбал,
"Энэ хүүхэд үнэн, худал ярьж байгааг цагдаагийн байгууллага шалгаж бидэнд бодит мэдээллийг өгөх байх. Бэлгийн хүчирхийлэл болсон эсэхийг шүүхийн байгууллага тогтооно.
Тухай үйл явдал болсон байж болзошгүй оройгоос эхлэн хариу арга хэмжээг авч ажиллаж байна. Дүүргийн удирдлага, Гэр бүл, хүүхэд залуучуудын газар, хууль хяналтын байгууллага бидэнтэй хамтарч ажиллаж, шалгалт явуулан тодорхой үйл ажиллагаануудыг зохион байгуулсан. Гандантэгчэнлин хийдэд хүүхдүүд суудаг хэд хэдэн дотуур байр бий. Мэдээлэл өгсөн хүүхдүүдийн байгаа дотуур байрны тухайд халуунд халдаггүй, хүйтэнд хөрдөггүй технологитой, гал тогооны өрөөтэй, 2019 онд ашиглалтад орсон байшин" гэх мэтээр өөрсдийгөө хамгаалсан юм.
Тэр бүү хэл, "Зарим лам нар эхнэртэй байж болно. Эхнэртэйгээ бэлгийн харьцаанд орохдоо "БӨГС, АМ"-нд нь хийж болохгүй" хэмээн ярьж, ёс зүйгүй авирлалаа.
Ариун цагаан, буяны газар номлодог ламтан та бүхэн "Хүүхэд худлаа ярьж байж магадгүй" гэж мэлзэж байхын оронд УУЧЛАЛТ гуйх ёс зүйтэй байгаач. Хуулийн байгууллага хэргийг эцэслээгүй байхад та бүхэн ч өөрсдийгөө хамгаалах эрхгүй...
Like
0
Зөв
1
2
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
