Эрүүл Мэндийн Яам (ЭМЯ)-наас цаг үеийн асуудлаар өнөөдөр хэвлэлийн бага хурал зохион байгууллаа.
ХӨСҮТ-ийн Тандалт судалгаа эрхэлсэн дэд захирал Ж.Байгалмаа: "Гэдэсний халдварт өвчин нь нян, вирус, мөөгөнцрөөр бохирлогдсон хоол хүнс, усаар дамждаг.
Гэдэсний халдварт өвчнөөр өвдсөн хүнээс бусдад халдвар дамждаг. Мөн эрүүл нян тээгчээс халдварлана. Манай улсад жил бүр сальмонеллез, цусан суулга, хоолны хордлого зэрэг гэдэсний халдварт өвчин бүртгэгддэг.
"Үер усны аюулын үед гэдэсний халдварт өвчин дэгдэх эрсдэл бий болдог. Учир нь гэдэсний зарим халдварт өвчний үүсгэгч хөрсөнд хадгалагдаж байдаг.
Хөрсөнд хадгалагдсан үүсгэгчүүд үерийн устай холилдвол ил урсдаг. Иймд
- Ундны ус үерийн усаар бохирдох
- Ард иргэд үерийн ус туулах тохиолдолд гэдэсний халдварт өвчин тусах эрсдэл үүсдэг.
Тиймээс үерийн усыг хөл нүцгэн туулахгүй байх, гар болон биеийн бусад хэсгээр үерийн усанд хүрэхгүй байх, хүүхдүүдээ үерийн усанд тоглуулахгүй байх, үерийн усны дараах лаг шаврыг хурдан цэвэрлэх, булаг шандны уснаас шууд уухгүй байх, ундны усыг заавал буцалгаж хэрэглэхийг зөвлөе.
Хэрэв үерийн усыг зайлшгүй туулах шаардлагатай бол хамгаалах гутал, хувцас өмсөх нь чухал. Ус туулсан тохиолдолд гэртээ ороод гутлаа заавал тайлах ёстой. Боломжтой бол гутлаа хлорын уусмалаар ариутгаж, наранд хатаах хэрэгтэй" гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
