"Эрдэнэс Монгол” нэгдлийн Төлөөлөн Удирдах Зөвлөл болон удирдлагын бүрэлдэхүүн “Эрдэнэт Үйлдвэр” ТӨҮГ-т ажиллаж тус үйлдвэрийн 2023 оны эхний хагас жилийн үйл ажиллагааны тайланд үнэлэлт дүгнэлт өгч, тулгамдаж буй асуудлуудыг хэлэлцлээ.
“Эрдэнэт үйлдвэр” ТӨҮГ 2023 оны эхний хагас жилд үйлдвэрлэлийн үндсэн гол үзүүлэлтийн төлөвлөгөөг 100.0-113.9%-иар давуулан биелүүлж ажилласнаас 19.5 сая тонн хүдэр боловсруулж, төлөвлөгөөг 100%-иар, 18.5 сая тонн хүдрийг боловсруулж, төлөвлөгөөг 100%-иар, 302.7 мянган тонн зэсийн баяжмал үйлдвэрлэж, төлөвлөгөөг 101.6%-иар, 2.97 мянган тонн молибдены баяжмал төлөвлөөг 113.9%-иар биелүүлсэн байна.
“Эрдэнэт үйлдвэр” ТӨҮГ нь энэ оны эхний хагас жилийн нийт орлого 2 их наяд 87,2 тэрбум төгрөгт хүрч, нийт зардлыг төлөвлөснөөс 33,1 тэрбумаар хэмнэн 548,1 тэрбум төгрөгийн цэвэр ашигтай ажиллаж, улс, орон нутгийн төсөвт нийт 858.3 тэрбум төгрөгийг бүрдүүлжээ.
Хоёрдугаар хагас жилийн үйлдвэрлэлийн төлөвлөгөөндөө тус үйлдвэр 20 сая тонн хүдэр олборлож, 18,3 сая тонн хүдэр боловсруулахаар ажиллаж байна. 2023 онд үйлдвэрлэлийн үндсэн гол үзүүлэлтийн төлөвлөгөөг 100.5-100.8%-иар биелүүлэх зорилт тавьснаа “Эрдэнэт үйлдвэр” ТӨҮГ-ын онцоллоо. Энэ онд 3,9 их наяд төгрөгийн орлоготой ажиллаж, төлөвлөгөөг 102.2%-иар биелүүлэн, улс, орон нутгийн төсөвт 1,7 их наяд төгрөгийн орлогыг төвлөрүүлэх зорилт тавин ажиллаж байгааг тайландаа дурдлаа.
Эдийн засгийн үзүүлэлт, үйлдвэрлэл хийгээд төлөвлөгөөний биелэлтээ давуулан биелүүлсэн ч Эрдэнэт үйлдвэрийн үйл ажиллагааны бодит байдал, бүтээн байгуулалт, хөрөнгө оруулалтын ажлууд, төсөл хөтөлбөрийг дагасан олон асуудал тулгамдаж байгааг “Эрдэнэт үйлдвэр” ТӨҮГ-ын ерөнхий захирал Г.Ёндон тайландаа онцоллоо.
Тухайлбал, Эрдэнэт үйлдвэрийн зэс, молибдены баяжмалын дагалдах элементэд АМНАТ тооцож буй нь “үндэслэлгүй нэмэлт зардал”-ыг бий болгож, АМНАТ-ын төлбөр их хэмжээний зөрүүтэйд тооцогдож байна. Цэвэрлэх байгууламжийн өргөтгөлийн үлдэгдэл санхүүжилтийг шийдвэрлэх, үйлдвэрлэж буй эрчим хүчээ өөрийн өртгөөс бага үнээр нийлүүлж, түүнээс өндөр үнээр худалдан авах, үйлдвэрийн техникийн бодлоготой уялдуулах техник тоног төхөөрөмж худалдан авахад хүндрэлтэй байдаг талаар мөн “Уурхайчин-2” хорооллын гүйцэтгэгч “Өргөө Хаан констракшн” ХХК гэрээний үүргээ биелүүлээгүйгээс орон сууцны захиалга өгсөн 319 ажилтан хохирсон зэрэг тулгамдсан асуудлуудыг “Эрдэнэс Монгол” нэгдлийн удирдлагуудад уламжиллаа.
Эдгээр асуудлуудыг тодруулан, хэлэлцэж санал солилцсоны дараа тодорхой шийдэл гаргана гэдгээ “Эрдэнэс Монгол” нэгдлийн гүйцэтгэх захирал С.Наранцогт мэдэгдлээ.
Like
0
Зөв
0
0
Буруу
0
Воов
0
Уйтгартай
0
Дуртай
Ashigtai ajillasnaa l gaihah um ajichidiin tsalingaa nemeechee oyutolgoigoos Barag iluu ulsad ashig oruulj baij.
© 2013-2023. Вэб сайт бүтээсэн: Tsast Solution LLC
