Бага ангийн сурагчдыг “ДҮРЭМТ ХУВЦАС”-гүй болгох асуудлаар ХҮН-ын мэргэжилтнүүд мэдээлэл хийлээ. Энэ үеэр ХҮН-ын Удирдах зөвлөлийн гишүүн Ц.Алтансор хэлэхдээ “ЕБС-ийн сурагчид заавал өмсөх ёстой дүрэмт хувцас нь хүүхдийг жигдрүүлэх, ямар нэгэн хувцсаар нэгнээ ялгаварлан гадуурхахгүй байх, жигд тэгш шударга зарчим сэтгэлгээг хүүхдүүдэд суулгах үндсэн зорилготой.
Гэтэл 10 жилийн өмнө хийгдсэн энэ хувцас нь хүүхдийн эрүүл ахуй, биеийн өсөлт хөгжил нөгөөтэйгүүр эдийн засгийн хувьд үр дүнтэй байж чадаж байна уу? гэдэг асуудал олон нийтийн дунд сөхөгдөөд байна. Хувцасны хувьд биеийн хөдөлгөөнд саад болохгүй, хөлс, чийг гадагшлуулах шаардлагатай. Гэвч энэ хувцсыг өмсөхөөр маш олон асуудал гардаг. Жишээлбэл,
Хөдөлгөөнд саад болдог бөгөөд хөлс чийг гадагшлуулдаггүй, үнэтэй гэсэн асуудлууд байна. Үнийн өсөлт өндөр байгаа энэ үед дунджаар 100-250 мянган төгрөгийн хооронд үнэлгээтэй байна. Дунджаар дөрвөн хүүхэдтэй өрх сая гаруй төгрөгөөр худалдаж авахад санхүүгийн дарамттай тулгарч байна. Судалгаагаар хүүхдийн биеийн өндрөөс хамаарч эрэгтэй хүүхэд 15, эмэгтэй хүүхэд 12 ангилал байдаг. Олон улсад 5-10 жил тутамд хүүхдийн биеийн өсөлтийн индексийн судалгаа явуулж, дүрэмт хувцсыг өөрчилж шинэчлэх санаачилга гаргадаг. 2000 гаруй иргэн дэмжсэн учраас бидний зүгээс дүрэмт хувцсыг заавал шинэчлэх санаачилга гаргаж байна” гэв.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
