Дорнод аймгаас гарч 670 км замыг туулсан Тэргэнцэртэй марафоны баг өнөөдөр Улаанбаатарт ирж, Д.Сүхбаатарын талбайд бариандаа орлоо. Энэ үеэр багийн ахлагч Д.Батхуяг мэдээлэл өглөө. Тэрбээр,
“Замын саад бэрхшээл маш их байсан. Ихэнх хүмүүс мэднэ. “Булганы 27” гээд 27 км зам нь бэрх байдаг. Хэнтий, Дорнодын завсар “Тамын 50” гээд байдаг. Иймэрхүү байдлаас илүү замын хөдөлгөөнд оролцож байгаа жолооч нарын соёлгүй хандлага хэцүү.
Өнөөдөр би тэргэнцэртэй амь эрсдэм замыг туулж ирлээ. Жолооч нар хажуугаар 80,100 км/цаг-ийн хурдтай зөрж байсан. Өдрийн цагаар тэргэнцэртэй хүн явж байхад хүмүүс хараад, хурдаа хасаад өнгөрөх хэрэгтэй. Зарим жолооч нар хурдаа хасаж гарсан. Гэвч ихэнх нь тэгээгүй, урдах замаа хараад л явдаг. Иймэрхүү бэрхшээлүүдийг туулж ирлээ. Даралт их байсан. Дорнодоос гардаг өдөр 190 хүрсэн ч би ухарч буцаагүй. Даралтны эм уугаад, өнөөдрийг хүрлээ. Уг нь ингэж марафонд явж байгаа хүн эмч, сэтгэл зүйчтэй явах ёстой. Бидэнд энэ бүгдийг аваад явах санхүү байхгүй болохоор өөрсдийнхөө боломжоор төлөвлөсөн ажлаа гүйцэтгээд барианд орж ирлээ” гэв.
Түүнчлэн тэрбээр “Хөгжлийн бэрхшээлтэй иргэдийн хууль тогтоомжийг тэгш хүргэх хэрэгтэй. Энэ нь хаана ч хүн бүр хуулиа дагадаг, эрхээ эдэлдэг, үүргээ биелүүлдэг байх ёстой. Тиймээс би “Шийдвэр гаргах түвшинд хөгжлийн бэрхшээлтэй иргэдийн дуу хоолойг хүргэе, эрхийг нь бодит болгоё” гэсэн зорилготой явж байна. НҮБ-ын конвенцид Монгол Улс нэгдэн орсон. Засгийн газар ХБИ-ийн эрхийг хамгаалах үүрэгтэй. Энэ үүргээ сайн биелүүлээч.
Өнөөдөр бид зөвхөн тэтгэмж, халамж хүртээд байгаа хүмүүс биш. Хөдөлмөр эрхлэх хэрэгтэй. Хөдөлмөрлөж чадах хүмүүсийг Хөдөлмөрийн тухай хуулийн 144-р заалтаар ажлын байртай болгох хэрэгтэй. Гэвч энэ хууль сайн хэрэгждэггүй. ААН-үүд 25-аас дээш ажилтантай бол ХБИ ажиллуулна гэдэг ч бодит байдал дээр ажиллуулдаггүй. ААН-үүд ХБИ-ийг ажилд урьдаг байгаач, тэр хүнийг ажлын байртай болгооч. Дорнод аймагт 4000 гаруй ХБИ байгаа. Үүнээс 3000 гаруй нь ажил хийх боломжтой ч 200 гаруй хүн л ажил эрхэлж байгаа” гэдгийг онцолсон юм.
Like
2
Зөв
0
0
Буруу
0
Воов
1
Уйтгартай
0
Дуртай
Засгийн газрын ээлжит бус хуралдаан болж байна.
© 2013-2023. Вэб сайт бүтээсэн: Tsast Solution LLC
