БШУЯ-наас 2023-2024 оны хичээлийн жилийн бэлтгэл, ажлын талаар мэдээлэл өглөө. Энэ үеэр Боловсролын Ерөнхий газрын дарга Т.Ням-очир “2023-2024 оны хичээлийн жилийн бэлтгэл ажил ерөнхийдөө хангагдсан. Энэ хичээлийн жилийн зорилго зорилт бол үндсэн чиглэлээр батлагдсан. Тухайлбал,
-Сургуулийн өмнөх болон Ерөнхий боловсрол
-Мэргэжлийн болон техникийн боловсрол
-Дээд боловсрол
-Насан туршдаа суралцахуй гэсэн дөрвөн чиглэл юм.
Түүнчлэн, хамтын оролцоо, үр дүнд суурилж, цэцэрлэг сургууль бүрийн менежментийг сайжруулах замаар сургалтын чанарт ахиц гаргая гэсэн ерөнхий зорилтыг дэвшүүлсэн. 2022-2023 хичээлийн жилд бид цэцэрлэг, ЕБС, Мэргэжлийн боловсролын сургууль, дээд боловсролд бүгдэд нь БҮТ-өөр дамжуулан хөндлөнгийн үнэлгээ, чанарын судалгааг хийлгэсэн.
Түүхэндээ анх удаа боловсролын түвшин бүрт хөндлөнгийн болон чанарын судалгаатай болсон. Түвшин бүрдээ гарааны үнэлгээтэй болсон учраас энэ үнэлгээнээс цааш хэрхэн ахих вэ, үүний тулд яаж хамтран ажиллах вэ, байгаа үнэлгээгээ ахиулахын тулд ямар менежмент хийх вэ гэдэг чиглэлээр зорилгууд гарсан.
Бүх түвшний боловсрол бүрт хуулийн хэрэгжилтийг хангах чиглэлээр онцгойлон анхаарч ажиллана. Хичээлийн жилийн бүтэц, сургалтын төлөвлөгөөтэй холбоотой асуудал дээр СӨБ болон ЕБС-ийн тухай хуульд хичээлийн жилийн эхлэх, үргэлжлэх, дуусах хугацааг хуульчилж өгсөн. Өөрөөр хэлбэл, онцгой нөхцөл байдлаас бусад үед сургалтын үйл ажиллагааг хэн нэгэн өөрийн зоргоор өөрчлөх боломжгүй байдлаар хуульчилсан” гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
