Хичээлийн шинэ жил эхлэхээр түм түжигнэж, бум бужигнах нь тодорхой байсан. Энэ талаар наймдугаар сар гарахтай зэрэгцээд л ярьж эхэлсэн. Харин оюутан, сурагчид амрахтай давхцаад "ТҮГЖРЭЛ"-ийн сайд Ж.Сүхбаатар өөртөө "амралт" олгож, зунжингаа ТАГ болсон. Харин одоо ажилдаа орсон бололтой. Гэвч түүнд үнэндээ л хашаа хатгаж, дугаарын хязгаарлалт хийхээс өөр гавьяа, ур ухаан алга.
Өнгөрсөн долоо хоногт Яармагийн замын нэгдүгээр эгнээнд "тусгаарлах" хайс хатгасан нь нэмэр биш "нэрмээс" болж буйг иргэд, жолооч нар хэлж, бухимдсаар байгаа. Тухайн хэсгийн нэгдүгээр эгнээгээр албан ёсоор автобус явж эхлээгүй. Ядаж автобусаа явж эхлэхээр хайсаа тавьж болсонгүй юу, Ж.Сүхбаатар сайд аа.
Жолооч нар уурласан уу, яасан. Бүү мэд. Өнөөх хайсыг нь өнөө өглөө ташраар нь хамчихжээ.
Түүнчлэн, нийтийн тээврийн парк шинэчлэлд 300 ТЭРБУМ давсан хөрөнгө төсөвлөсөн ч хангалттай хэмжээнд хүрээгүй л байна. Дуншиж дуншиж хэдэн автобус ирвэл улсын компаниуддаа өгч, хувийн компаниа "хөсөр" хаядаг. Өнөөх хэд нь "Улсаас автобус өгнө гэсэн" гээд хар утаа баагиулж, "ТАР НЯР" хийсэн автобуснуудаа амь тэмцүүлж буй.
420 тэрбумыг төсөвлөөд, нэг жилийн нүүрийг үзэх гэж буй ч байдал яг л хэвээрээ. Ташрамд дурдахад, Ж.Сүхбаатар сайд шантарч, "Би ямар сайд болъё" гэсэн юм уу. Түгжрэлийн сайдын ажлаа өгнө гэдгээ Ерөнхий сайдад хэлсэн" гэдгийг намын нөхөд нь ярьж буй мэдээлэл ч байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
