Л.Оюун-Эрдэнийн Засгийн газарт байгаа үгүй нь мэдэгддэггүй хэдэн сайд бий. Эдгээрийн нэг нь Эрүүл мэндийн сайд Содномын Чинзориг. Учир нь хамгийн их хэл амтай бөгөөд хариуцлагатай салбарыг толгойлж буй ч ТАГ ЧИГ "Сүх далайтал үхэр амар" явдаг хүн. Одоо та бүхэнд С.Чинзориг ажлаа өгөх шалтгаан болсон хамгийн том гурван "КЭЙС"-ийг танилцуулъя.
Кэйс-1: 13А маягт
Өнгөрсөн наймдугаар сарын 1-нээс 13А маягт олгох журамд өөрчлөлт орж, иргэд улсын эмнэлэгт үзүүлэх ба эмчлүүлэхийн тулд харьяа өрхийн эмнэлгээсээ цахимаар 13А маягтыг илгээлгэдэг болсон. Үүнийгээ "2, 3-р шатлалын эмнэлгийн ачааллыг бууруулж байгаа" гэж Эрүүл мэндийн яамнаас мэдэгдсэн ч бодит байдал дээрээ үгүй ажээ. Өрхийн болон улсын эмнэлгүүдэд ачаалал эрс ихсэж, эмч иргэдийн хооронд багагүй "МАРГААН" үүсээд удаж байна.
Кэйс-2: "ОРБИТА" нүдний эмнэлгийн хохирогч
Хүүхдийн 100-д байрлах "Орбита" нүдний эмнэлэгт хагалгаанд орсон иргэн эрүүл мэндээрээ хохироод олон сарын хугацаа өнгөрч буй. Тухайн иргэн эмнэлгийн суулт зарласан ч тусыг эс олж, аргаа барахдаа ЭМЯ-нд хандсан ч "таг чиг". Иргэнд "Хохирлыг нь барагдуулна" гэж ЭМЯ-ны Ёс зүйн зөвлөлөөс хэлсэн гэж байгаа ч бодит байдал дээр эмнэлэг нь яамныхаа шийдвэрийг тоохгүй байгаа нь С.Чинзоригийг үнэлж буйн нэг илрэл
Кэйс-3: "Салбар нь талийгаачийн цогцсыг "тоносон" явдал
Иргэн А нь авто осолд орж, амь насаа алдсан бөгөөд талийгаачийн ар гэрийнхэн "элэг, бөөр, шөрмөс"-ийг нь донор болгож ашиглахыг зөвшөөрчээ. Гэвч бусад яс, эд эрхтнийг нь зөвшөөрөлгүй тонож авсанд ар гэрийнхэн нь гомдол гаргасан байгаа юм. "Эрүүл мэндийн хөгжлийн төв"-өөс ч үүнийг хүлээн зөвшөөрч, уучлал гуйж буйгаа илэрхийлсэн.
Ийнхүү та бүхэнд товчхон гурван "кэйс"-ийг танилцууллаа. ЭМ-ийн сайд С.Чинзориг ажлаа өгөх ХАНГАЛТТАЙ шалтгаан биш гэж үү. Ерөнхий сайд Л.Оюун-Эрдэнэ ээ, хангалтгүй ажилладаг сайд нар аа "хайрлаад" байлгүй БУУЛГАХ шаардлагатай байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
