Одоогоос таван жилийн өмнө буюу 2018 оны наймдугаар сарын 9-ний өдөр тухайн үеийн ЗТХЯ-ны Төрийн захиргаа, удирдлагын газрын дарга Б.Махбал нь Хяналт шинжилгээ, дотоод аудитын газрын дарга "Г"-г зодож, амь насыг нь хохироосон байдаг.
Түүний өмгөөлөгч нь дээрх хэргийг "Талийгаач нь Б.Махбалын хамрыг хуга цохьчихоод, дахиж цохихдоо хэлсэн үг нь тэвчээрийг нь алдагдуулсан" хэмээн тайлбарлажээ. /Эх сурвалж: ergelt.mn/
Улмаар шүүх 11 жил хорих ял оноосон байдаг. Давж заалдсан ч ялыг хэвээр үлдээсэн. Гэвч өчигдөр /2023.09.27/ ШШГЕГ-ын харьяа Хорих 461-р ангиас шүүгчийн шийдвэрийн дагуу Б.Махбал бүхэл бүтэн найман жилийн өмнө суллагдаад байна. Б.Махбалын "балаг" үүгээр ч дуусаагүй. "Хөгжлийн банкны" гэх хэрэгт холбогдож, яллагдагчаар татагдаад байсан. Тодруулбал,
“НВЦ”, “Монгол мах”, “Монгол эм импекс”, Бэрэн группт давуу байдал бий болгож, Хөгжлийн банканд олон тэрбум төгрөгийн хохирол учруулсан гэмт хэрэгт яллагдагчаар татсан. Гэвч шүүгч түүнийг гэм буруугүйд тооцон, хэргийг хэрэгсэхгүй болгосон юм.
ХАРЬЦУУЛАЛТ:
Хөх хотын консул асан, "лайвчин" Д.Мөнх-Эрдэнийг "Эрх мэдлээ урвуулан ашиглаж, бусдад давуу байдал олгон, улсад их хэмжээний хохирол учруулсан" гэх үндэслэлээр 3 жил 10 сар хорих ял оноосон.
Улмаар Д.Мөнх-Эрдэнэ давж заалдсан бөгөөд Давж заалдах шатны шүүхээс ялыг бууруулж, 1 жил 10 сар хорих ял оноосон билээ.
Хүний амь нас хөнөөсөн Б.Махбалыг сулласан бол хүн "алаагүй" Д.Мөнх-Эрдэнийг суллах ёстой. Гэхдээ энэ нь Д.Мөнх-Эрдэнийг "өмөөрсөн" зүйл биш юм. Шүүх засаглал адил тэгш үйлчилж, шударга шийдвэр гаргах ёстой гэх утга бүхий агуулга юм.
Like
9
Зөв
0
1
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
