"НОГООН АВТОБУС"-ны дуулианаар Түгжрэлийн сайд Ж.Сүхбаатар, Хотын дарга Д.Сумъяабазар нар "огцрох" өргөдлөө өчигдөр өгсөн. МАН-ын бүлэг дэмжсэн. Харин Ерөнхий сайд эцэслэн шийдвэрлэх учиртай. Дэмжих нь баараггүй биз ээ. Харин Хотын дараагийн дарга хэн бэ?
Өнөөдрийн байдлаар НИТХ-ын дарга Ж.Батбаясгалан, ЦХХХ-ны сайд Н.Учрал нарын нэр яригдаж эхэлсэн байна.
Ж.Батбаясгалангийн тухайд, тийм ч "нэр цэвэр", итгэл даах хүн биш. Учир нь хотыг эзгүй үед түр орлон гүйцэтгэгч байхдаа "газрын зөвшөөрөл"-өөр наадсан нь "ШИЛ" ажиллагааны хүрээнд ИЛ болсон.
Мөн нийгэмд дуулиан тариад буй "АВЛИГА ХОРООЛОЛ" бий болох шалтгаан нь Ж.Батбаясгалан усан паркын зөвшөөрлийг нь цуцалсантай холбоотой. Усан паркын зөвшөөрлийг нь цуцалснаас болж, дээрх хороолол сүндэрлэж, өдгөө нураах эсэх дээрээ тулан, 500 гаруй иргэн, ААН-ийн хооронд үл ойлголцол үүсээд буй.
ЦХХХ-ны сайд Н.Учралын тухайд, Засгийн газрын "5Ш" ажиллагаанд хамгийн их үр дүнд авч ирж, Ерөнхий сайд Л.Оюун-Эрдэнэд багагүй "дэм" болсон гэдэгтэй маргах хүн ховор биз.
"ШИЛ" ажиллагааны хүрээнд "зээлийн сан"-уудын болон газар олгох зөвшөөрлийн мэдээллүүдийг ил болгож, олон нийт Н.Учрал сайдад чамгүй "алга ташилт" бэлэглэсэн.
Тиймдээ ч тэрбээр, Л.Оюун-Эрдэнийн Засгийн газрын хамгийн "ажил хэрэгч" сайд гэдгийг учир мэдэх хүмүүс ярьсаар байгаа. Харин ийнхүү түүнийг дараагийн Хотын даргын "таамаг"-т нэр дэвшүүлээд байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
