Сангийн сайд Б.Жавхлан ирэх оны төсвийн төслийг танилцууллаа. Тэрбээр "2024 онд эрүүл мэндийн салбарт ихээхэн анхаарал хандуулна. Дэлхийн жишигт нийцсэн эмнэлгүүдийн санхүүжилтыг шийдвэрлэж, боловсруулах, баяжуулах үйлдвэрийг татварын бодлогоор дэмжинэ" гэдгээ илэрхийллээ.
Ирэх 2024 онд манай улсын ДНБ-ийг 74 их наядад хүргэхээр төлөвлөжээ. 2023 оны 8 сарын байдлаар ДНБ 30.5 их наядын гүйцэтгэлтэй байгаа бөгөөд оны эцэст 60 их наяд хүрэх аж.
Ингэхдээ нүүрсний экспортоо 60 сая тн, зэс 1.5 сая тн-р тооцсон бол алтны экспортыг 20 тонн, төмрийн хүдрийг 8,4 сая тонн байхаар төсөөлжээ. Зэсийн ханшийг 9000 ам.доллар, нүүрсний үнийг 140 ам.доллараар тооцсон бол төмрийн хүдрийг 75 ам.доллараар төсөвт тусгасан байна.
2024 онд:
Зарцуулалтын тухайд, УИХ, ИТХ-ын сонгуульд 72,2 тэрбум, Парис-2024 олимпийн наадамд 22,6 тэрбум, Эрдэнэбүрэнгийн УЦС-ын нөхөн төлбөрт 9,2 тэрбум, геологи, хайгуулын ажилд 40 тэрбум, цахим бодлогын арга хэмжээнд 20 тэрбум, нормативт зардалд 68,7 тэрбум төгрөг зарцуулахаар тусгагджээ.
Түүнчлэн 2024 оны төсвийн төсөлд 10 аймгийн эрчим хүч, дулааны станцуудын өргөтгөл барилга угсралтад 20.1 тэрбумаар хийх бол олон улсын жишигт нийцсэн Халдварын үндэсний төв-2, Зүрх судасны үндэсний төв, Эс,эд,эрхтэн шилжүүлэн суулгах төвийг барьж эхэлнэ. Үүнд "140 тэрбум төгрөгийн зарцуулахаар төсөвлөж, санхүүжилтыг нь гурван жилийн хугацаанд төсөвт хувааж суулгана" гэлээ.
Түүнчлэн төсвийн төсөлд авто зам тээврийн салбарт 601.7 тэрбум төгрөгийн дүнтэй 96 төсөл хэрэгжүүлэхээр тусгажээ. Үүнээс гадаадын зээл тусламжаар Алтай-Улиастайн 198 км, Ховд-Улаангом 163.3 км авто зам барих төслүүд багтжээ. Нийт хөрөнгө оруулалт нь 125.8 сая ам.доллар болж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
