УИХ-ын дарга Г.Занданшатар НӨАТ-ын урамшууллын систем буюу буцаан олголтын хоёр хувийг таван хувь болгох талаар санал дэвшүүлж, "D-Parliament" платформд олон нийтийн санал авч эхэлсэн. Олонх нь дэмжих юм бол УИХ-аар хэлэлцүүлнэ гэдгээ илэрхийлээд буй.
Тэгвэл өнөөдөр Сангийн сайд Б.Жавхлан энэ талаар байр сууриа илэрхийллээ. Тэрбээр,
"Ямар ч боломжгүй асуудал. Энэ бол татварын тогтолцооны асуудал бөгөөд гэнэт шийддэг зүйл биш. Бүх талын нөлөөллийг сайтар судалж байж ярих учиртай. Татварын асуудлыг олон нийтийн санал асуулгаар шийдэх нь зөв үү, буруу юу гэдгийг бодолцох хэрэгтэй.
Мэргэжлийн яамнаас санал асууж, судалгаа авах бол бид бэлэн. Хамгийн их судалгаа шинжилгээ нь Сангийн яаманд бий.
НӨАТ бол төсвийн орлого бүрдүүлэх, далд эдийн засгийг ил болгох үндсэн хоёр зорилготой. Хамрагдалт нь одоо 69 хувь дээр ирж байна. Мөн НӨАТ бол манай төсвийн хамгийн тогтвортой хэсэг. Ирэх онд буцаан олголтод 400 тэрбум төгрөг оногдоно. Харин таван хувь болговол нэмж 600 гаруй тэрбум төгрөг шаардагдана. Энэ бол маш өндөр дүн. Ирэх оны төсвийн төслийг өргөн барьсан, маргааш хэлэлцэж эхлэх гэж буй энэ үед ийм асуудал байх боломжгүй" хэмээн тайлбарлалаа.
УИХ-ын дарга Г.Занданшатарын тухайд их хурлын даргын хувиар бус иргэний хувиар НӨАТ-ын буцаан олголтыг 5 хувь байх санал гаргасан. Гэвч улсын сан, хөмрөгийг захирах үүрэгтэй Сангийн сайд Б.Жавхлан саналыг нь дэмжсэнгүй.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
