Яллагдагч Т.Бадамжунайгийн “гар хөл” болсон НИТХ-ын дарга Ж.Батбаясгалан “УТААГ ЯЛСАН, ТҮГЖЭЭГ ТАЙЛНА” гэнэ

Админ I Төр.мн

2023-10-24

МАН дахь бүлэглэлүүдийн гар хөл бологсод Нийслэлд дүүрэн бий. Түүний нэг нь одоогийн НИТХ-ын дарга Ж.Батбаясгалан.

Ж.Батбаясгалан Эрүүгийн хэрэгт яллагдагчаар татагдаад буй Т.Бадамжунайгийн “гар хөл”. Учир нь тэрбээр Т.Бадамжунайгийн бие төлөөлөгчөөр ажиллаж байсан бөгөөд түүний нөлөөгөөр улс төрд орж ирсэн нэгэн.

“Түшээ” дээд сургуулийг төгссөн Ж.Батбаясгалан 2006-2008 онд УИХ-ын гишүүн Т.Бадамжунайгийн бие төлөөлөгчөөр ажиллаж байв.

Ингээд МАН дахь хотын фракцийн залуу дүр, “МАНАН”-гийн үргэлжлэл, хойд дүр болсон нь энэ. Ж.Батбаясгалан нийслэлд бүхий л албан тушаалыг хашиж яваа. Гэхдээ ямар ч үр дүн гаргаж чадаагүй залуу. Тэрбээр УТААГ ЯЛАВ, ТҮГЖЭЭГ ТАЙЛНА гэх уриатайгаар 2020 оны орон нутгийн сонгуульд оролцон ялж, НИТХ-ын даргын албыг хашиж буй. Үнэндээ түүний хэлсэн шиг УТААГ ялсангүй.

Зөвхөн 2020 оны сонгуулийн л өмнө нь “буурдаг” утаа гэж байх аж. Тэрбээр ТҮГЖЭЭГ ТАЙЛНА гэжээ. Юуны түгжээ вэ? тайлж чадах уу? тайлахын тулд юу хийсэн бэ? Хэлэх үг, хийсэн ажил бий юу?

Хэлэх үггүй, хийсэн ажилгүй, улс төрчдийн гар хөл болсон ийм нөхдүүдийг цэвэрлэх цаг хэдийн болсон.

Худал пайз барьж, дүр исгэсэн “ХУРГАН ДАРГА” нарын “улаан нүүр” нь улалзаж эхэллээ

“Сайн ах”-ынхаа мориор хол зам туулж яваа Ж.Батбаясгалан ахынхаа ачийг хариулах гэж хичээж яваа биз. Гэхдээ ийм увайгүй нөхөд Улаанбаатар хотыг олон жил удирдаж, бүхий л албан тушаалыг хашиж явсан гэхээр яс хавталзана.

Х.Нямбаатар хотын даргаар томилогдсноор Т.Бадамжунай ахынхаа нөлөөгөөр улс төрд, нийслэлд бат бөх суусан Ж.Батбаясгалан тун чиг “хөдөлгөөнд” орж. Учир нь Т.Бадамжунай Эрүүгийн хуулийн тусгай ангийн 22.1 дүгээр зүйлийн 1 дэх хэсэг, /Эрх мэдэл, албан тушаалын байдлаа урвуулан ашиглах/, 22.5 дугаар зүйлийн 1 дэх хэсэг, /Хахууль өгөх/, 18.6 дугаар зүйлийн 1 дэх хэсэгт /Мөнгө угаах/, заасан гэмт хэрэгт холбогдуулан яллагдагчаар татагдаад буй. Түүний араас “хойд дүр” болсон Ж.Батбаясгалангийн асуудал ч сөхөгдөх дээрээ тулжээ.

Ж.Батбаясгалан НИТХ-ын дарга ч хийлээ, Хотын дарга ч хийлээ. Гавшсан зүйл түүнд алга.

Төр.мн

Нийт сэтгэгдэл 1

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

DR. ADITYA - 2 жил өмнө

хариулах

БҮГДЭЭРЭЭ САЙН УУ!!!!! Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802. имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар).