Азиуд Хятад шар айрагнаас татгалзаж буй сэтгэгдлээ маш олноороо илэрхийлсээр байна

Төр.мн I www.tur.mn

2023-11-10

Манай улс 1926 оноос шар айрагны үйлдвэрлэлд нэгдэж, өдгөө дэлгүүрийн лангуун дээр дотоодын болоод импортын шар айрагны маш өргөн сонголттой болжээ.

Та мэдэх үү? Шар айраг нь маш олон төрөлтэй. Исгэж буй үйл явц, өнгөнөөс шалтгаалан Lager, Wheat, Pilsener, Cider, Bock, Marzen, Ale, Porter, Stout (Dark), Dunkel гэх зэргээр ангилдаг байна.

Эдгээр төрлүүд нь бүгд өөр өөрийн онцлог, градусны хэмжээ, чихэрлэг гашуун гэх мэт өвөрмөц амттай байдаг. Хүн бүрийн амтлах мэдрэмж дуртай төрөл өөр өөр. Тэгвэл хамгийн шилдэг, хамгийн сайн шар айраг юу вэ? Таны уухыг хүсэж буй төрөл ямар ч байж болно. Гэхдээ олон улсын шар айрагны мэргэжилтнүүд LOCAL буюу тухайн газартаа үйлдвэрлэсэн шар айргийг хамгийн САЙН, хамгийн ШИНЭ шар айраг гэж тодорхойлж ,зөвлөдөг байна.

Энэ бүгдэд учир бий. Улс орон бүрд аливаа хэрэгцээгээ дотооддоо үйлдвэрлэх нь маш чухал байдаг.

Дотоодын шар айргийг сонгох чухал шалтгаанууд:

- Дотоодын эдийн засгаа дэмжинэ. Шар айрагын хэрэглээ дэлхийн хаана ч хүн амын өргөн хэрэглээ байсаар ирсэн цаашид ч хэвээр байна. Дотоодод үйлдвэрлэсэн шар айргаа уух нь тухайн орон нутгийн эдийн засагт ихээхэн дэмжлэг үзүүлдэг байна.
- Байгаль орчинд эерэгээр нөлөөлдөг. Та нэг шил шар айраг уулаа гэж бодьё. Тэр шилийг дахин эргэлтэд оруулах хог хаягдал болгож газарт шингээхгүй байх нь эх дэлхийд маш том эерэг нөлөөлөл үзүүлнэ. Орон нутгийн үйлдвэрлэгчид тухайн шил, лаазыг эргэлтэд оруулж дахин боловсруулж ашигладаг нь зардал хэмнэхээс гадна байгаль орчиндоо хувь нэмэр оруулж буй хэрэг юм.
- Далд эдийн засгийг багасгадаг. Архи, согтууруулах ундааг хааж, хавчиж хянаж цагдах тусам далд байдлаар худалдаалагдах нь ихэсдэг. Манай улсад ковидын үеэр согтууруулах ундааны худалдааг хязгаарласан. Гэтэл шагийн наймаа ихсэж, хилээр хууль бус, хуурамч архи оруулж ирэх нь нэмэгдсэн байна.
- Үндэсний аюулгүй байдалд чухал нөлөөтэй. Хэрвээ дотооддоо, орон нутагтаа ийм төрлийн үйлдвэрлэлийг бүрэн зогсоовол гадны маш олон бүтээгдэхүүн орж ирж зах зээлийг эзлэнэ. Ингэснээр хүнсний аюулгүй байдалд аюул учрах эрсдэл нэмэгдэнэ.

Жишээ нь өнгөрсөн 10 дугаар сарын сүүлээр Солонгосын болон Японы хэвлэлээр Tsingtoa шар айрагны тухай гарсан бичлэгнээс ойлгож болох юм. Энэхүү бичлэг 10 дугаар сарын 22-нд цацагдсанаас хойш дэлхий даяар хэдэн арван сая хүн үзэж, Хятадын “Weibo” сайтад олон мянган хандалт авч, интернет хэрэглэгчдийг Tsingtoa шар айргаас татгалзахад хүргэсэн юм. Энэ ч гэсэн улс орнуудын ард иргэд хүнсний аюулгүй байдалдаа ихээхэн анхаарч байгаагийн нэг илрэл юм..

Олон улсад тэр дундаа Азийн улс орнуудын хэрэглэгчид Хятад шар айрагнаас татгалзаж буй сэтгэгдлээ маш ихээр илэрхийлсээр байна.

Жишээлбэл: Солонгосын дэлгүүрүүдэд худалдан авалт буурсан тул хямдрал зарлажээ.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.