ЭМЯ: Нярай хүүхдүүд хатгалгаагаар хүндрэх байдал ажиглагдаж байна

Эрүүл Мэндийн Яам

ЭМЯ: Нярай хүүхдүүд хатгалгаагаар хүндрэх байдал ажиглагдаж байна

Төр.мн I www.tur.mn

2023-12-12

Эрүүл мэндийн байгууллагуудаас өнөөдөр томуу, томуу төст өвчний нөхцөл байдал, урьдчилан сэргийлэх арга хэмжээний талаар зөвлөгөө мэдээллийг өглөө.

Иргэд өрхийн эмнэлэгтээ ажлын өдөр 20:00 цаг хүртэл, Ням гаригт 10:00-15:00 цагийн хооронд хандах боломжтой болсон талаар Эрүүл мэндийн яамнаас мэдээлсэн.

Иймд эцэг эхчүүд шууд эмнэлгийн яаралтай хүлээн авах дээр хүүхдээ дагуулж, 103 дуудахаасаа илүү ойр байгаа буюу ачаалал багатай өрхийн болон дүүргийн эрүүл мэндийн төвдөө хандахыг эрүүл мэндийн байгууллагынхан зөвлөв.

Энэ удаагийн томуугийн эхэлж байгаа байдал, эмнэлзүйн ажиглалтаас харахад нярай хүүхдүүд хатгалгаагаар хүндрэх байдал ажиглагдаж байгаа аж. Иймд нярай хүүхдээ өрхийн эмчдээ үзүүлээд давтан хоёр хоноод эргэж үзүүл гэсэн тохиолдол заавал эргэж хандах шаардлагатай гэв.

Нярайн аминд аюултай шинж тэмдгүүд:

- Өндөр халуурах
- Бөөлжих
- Хөхөндөө дургүй болох
- Унтаарах
Дээрх шинжүүдийг анзааралгүй өнгөрөөж болохгүй, эмнэлэгт цаг алдалгүй хандахыг зөвлөв.

Хүүхдийн дархлаа их онцлогтой учраас сайн унтуулж, хооллон хэт дааруулж, халууцуулахгүй байх зөвлөмжийг дагах шаардлагатай.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.