Тариаланчид, үндэсний шилдэг хүнсний үйлдвэрлэгчид, Монгол Улсын Ерөнхийлөгчийн санаачилгаар “Хүнсний хангамж, аюулгүй байдал” үндэсний хөдөлгөөн орон даяар өрнөөд 1.5 жилийн хугацаа өнгөрч байна.
Уг үндэсний хөдөлгөөний хүрээнд Нийслэлийн Засаг дарга бөгөөд Улаанбаатар хотын Захирагч Х.Нямбаатар өнөөдөр “Хүнсний хувьсгал” ТББ-ын удирдах зөвлөлийн гишүүд, хүнс, хөдөө аж ахуйн салбарын баялаг бүтээгч аж ахуйн нэгжүүдийн төлөөллийг хүлээн авч уулзлаа. Уулзалтаар нийслэлийн хэмжээнд хүнсний хангамж, аюулгүй байдлын чиглэлээр хэрэгжүүлэх бодлого, үйл ажиллагаа, төр, хувийн хэвшлийн хамтын ажиллагаа, тус салбарт тулгамдаж буй асуудлуудыг хэлэлцэн, санал солилцсон юм.
Нийслэлийн Засаг дарга бөгөөд Улаанбаатар хотын Захирагч Х.Нямбаатар:
-Нийслэлийн зүгээс Монгол Улсын Ерөнхийлөгчийн санаачилсан “Хүнсний хувьсгал” үндэсний хөдөлгөөний хэрэгжилтийг ханган ажиллаж буй. Цаашид Монгол Улсын нийслэл Улаанбаатар хотын эрх зүйн байдлын хуульд тусгасан эдийн засгийн тусгай бүсийг амилуулна. Мөн хүлэмжийн аж ахуй, агуулах, хөнгөн болон хүнсний үйлдвэрлэлийн эдийн засгийн тусгай бүсийг байгуулах асуудлыг тэргүүн ээлжид судлан, боломжит байдлаар шийдвэрлэнэ. Аж ахуйн нэгжүүдийн зүгээс хүнсний хангамжийг сайжруулах, нэмэгдүүлэх чиглэлээр гаргасан санал хүсэлтүүдийг ямагт дэмжин ажиллана. Түүнчлэн төр, хувийн хэвшлийн түншлэлийн хүрээнд бүх талаар хамтран ажиллах боломжтой хэмээв.
Уулзалтад оролцсон “Хүнсний хувьсгал” ТББ-ын удирдах зөвлөлийн гишүүд, баялаг бүтээгчдийн зүгээс үйлдвэрийн зориулалттай газрын асуудал, барилгын зөвшөөрлийг шуурхай шийдвэрлэх, төр хувийн хэвшлийн хамтарсан үйлдвэрийн дэд бүтэц бий болгох, эрчим хүчний хүчин чадлыг нэмэгдүүлэх тухай санал хүсэлт дэвшүүлсэн юм. Түүнчлэн аж ахуйн нэгжүүдэд үүсээд буй хүний нөөцийн дутагдал, татварын дарамтын асуудлыг хөндөн хэлэлцлээ.
Хотын дарга үйлдвэрийн зориулалттай барилгын зөвшөөрөл, газрын асуудлыг онцгойлон анхаарч, боломжит хувилбараар цаг алдалгүй шийдвэрлэнэ гэдгээ илэрхийлсэн юм.
Ташрамд, 2023 он гарснаас хойш хүнсний салбарт олон улсын шаардлагад нийцсэн мал төхөөрөх болон мах боловсруулах, бяслаг үйлдвэрлэх 11 үйлдвэр шинээр ашиглалтад орсон байна. Мөн махны экспортоос 277 сая ам.долларын орлого олж, хүнсний бүтээгдэхүүний импорт 12 хувиар буурчээ. Ингэснээр гадаадаас нэг тэрбум гаруй ам доллароор хүнсний бүтээгдэхүүн худалдаж авдаг манай улс энэ жил 120 сая орчим ам долларыг эх орондоо үлдээх боломж бүрдсэн аж.Тариаланчид, үндэсний шилдэг хүнсний үйлдвэрлэгчид, Монгол Улсын Ерөнхийлөгчийн санаачилгаар “Хүнсний хангамж, аюулгүй байдал” үндэсний хөдөлгөөн орон даяар өрнөөд 1.5 жилийн хугацаа өнгөрч буй. Уг үндэсний хөдөлгөөний хүрээнд Нийслэлийн Засаг дарга бөгөөд Улаанбаатар хотын Захирагч Х.Нямбаатар өнөөдөр “Хүнсний хувьсгал” ТББ-ын удирдах зөвлөлийн гишүүд, хүнс, хөдөө аж ахуйн салбарын баялаг бүтээгч аж ахуйн нэгжүүдийн төлөөллийг хүлээн авч уулзлаа. Уулзалтаар нийслэлийн хэмжээнд хүнсний хангамж, аюулгүй байдлын чиглэлээр хэрэгжүүлэх бодлого, үйл ажиллагаа, төр, хувийн хэвшлийн хамтын ажиллагаа, тус салбарт тулгамдаж буй асуудлуудыг хэлэлцэн, санал солилцсон юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
