Өмнөговь аймгийг хөгжүүлэх аймгийн Засаг даргын үйл ажиллагааны "Нутгийн хишиг" хөтөлбөр 3 дахь жилдээ амжилттай хэрэгжиж, хамгийн их бүтээн байгуулалт, хөрөнгө оруулалт хийгдэж, хүн ардынхаа сайн сайхны төлөө хамгийн хүртээмжтэй төсөл хөтөлбөрүүд хэрэгжиж байгаа он жилүүд болж байна.
Өнөөдөр Өмнөговь аймгийн Засаг дарга Р.Сэддорж, Даланзадгад сумын ард иргэдтэйгээ уулзалт хийж, өнгөрсөн хугацаанд хийж бүтээж санаачилсан ажлуудаа танилцууллаа. Аймгийн төвийн 10 багийн иргэдийг хоёр удаа хүлээн авсан бөгөөд, уулзалтын үеэр Засаг даргын дэргэдэх агентлаг, төсөвт байгууллагууд Нутгийн хишгийн хүрээнд орон нутгийн төсвийн хөрөнгөөр хийгдсэн ажлуудаа сурталчлан танилцуулсан үйл ажиллагааг мөн зохион байгууллаа.
Техник технологийн дэвшил, инновац шингэсэн шийдлүүдийг шинээр нэвтрүүлж, өрх айл, хүүхэд залууст зориулсан олон талт арга хэмжээг санаачлан, ахмад настан, хөгжлийн бэрхшээлтэй иргэд, зорилтот бүлэгт чиглэсэн бодлогыг тодорхойлж, хатуу дэд бүтэцийн хамрах хүрээг хэд дахин өргөжүүлж, төрийн албан хаагчдаа тогтворжуулах нутгийн дэмийг бий болгон, байгаль орчин, ус бэлчээрийн асуудлыг хөндөж "Говь+Ус" усжуулалтын хоёрдугаар аяныг зарласан, эрүүл мэнд боловсролын салбарт хийгдсэн хөрөнгө оруулалт, хөдөө аж ахуй, жижиг дунд үйлдвэрийг дэмжих... гэх зэрэг Нутгийн хишиг хөтөлбөрийн үр өгөөж хичнээн их болохыг хүн бүхэн талархан хүлээж авч байгаа хот хөдөөгийн олон удаагийн уулзалтуудаас харж болохоор байна.
Даланзадгад сумын 10 багийн 2000-аад иргэд ХЖТ-зорин ирж оролцсон бөгөөд олон мянган Өмнөговьчууд уг уулзалтыг шууд дамжуулалтаар хүлээн авч үзлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
