Монгол Улсын ардчилсан чөлөөт зах зээлийн нийгэмд шилжсэнээр газрын харилцааны салбарыг шинэчлэн хөгжүүлсэн. Улмаар иргэддээ газар хэмээх бодит өмчийг үндсэн хөрөнгө болгон ашиглуулж эдийн засгийн эргэлтэд орох боломж олгосон.
Иргэдийн амьжиргааг дээшлүүлэх зорилгоор хийсэн томоохон шинэтгэлийн нэг нь иргэдэд газрыг нэг удаа үнэгүй өмчлүүлэх арга хэмжээг авч хэрэгжүүлсэн билээ. Монгол улсын иргэнд газар өмчлүүлэх тухай хууль 2002 онд батлагдаж 2003 оноос хэрэгжиж эхэлснээсээ хойш өдгөө 21 жилийн ой тохиож байна. Энэ хугацаанд улсын хэмжээнд 619 мянган иргэнд газрыг өмчлүүлсэнээс нийслэлд 208 мянган нэгж талбар буюу 381 мянган иргэнд газрыг өмчүүлээд байна. Манай алба 2023 оныг технологид суурилсан газрыг харилцаа зорилтот жил болгон ажилласан. Дээрх зорилтын хүрээнд өмчилсөн газрын анхны олголтын түүхчилсэн кадастрын зургийн нөхөн бүрдүүлэлтийн ажлыг хийж гүйцэтгэлээ.
Ингэснээр өмчилсөн газрыг эдийн засгийн эргэлтэд оруулах үнэ цэнийг нь нэмэгдүүлэх нөхцөл бүрдсэн юм. Нийслэл Улаанбаатар хотод 2003 оноос хойш газрыг өмчлүүлэхдээ газрын кадастрын зураглалыг хийхдээ Aumocad, ArcGIS, LPIS программуудыг ашиглаж иржээ. Нийслэлд газар өмчилсөн иргэдийг 2020 оноос эхлэн газрын удирдлагын нэгдсэн систем буюу Land meneger программ дээр шат дараатай засварлан оруулж эхэлсэн. 2023 онд нийт газар өмчилсөн иргэний кадастрын зураглал бүртгэл мэдээллийг түүхчилсэн байдлаар засварлан оруулсан нь улсын хэмжээний жишиг хөгжүүлэлт болсон юм.
Цаашид хотын хөгжлийн бүтээн байгуулалтад маань бүтээн байгуулалтын дахин төлөвлөлт дээр тулгуурлан явагдах учир өмчилсөн газрын бүртгэлийг сайжруулах, зах зээлийн үнэлгээг нь нэмэгдүүлэх зэрэг томоохон ажлууд бидний өмнө тулгараад байна.
Бэлтгэсэн : Т.Сарантуяа
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
