Мартин Писториусний гайхалтай түүх

Дэлхий дахин

0
1140

Мартин Писториусний гайхалтай түүх

Админ I Төр.мн

2021-05-11

Мартин Писториус Өмнөд Африкт төрж өссөн юм. 1988 оны 1-р сард хүү сургуулиасаа хоолой өвдлөө хэмээсээр ирсэн ч сургуульдаа эргэж очсонгүй.
Мартины биеийн байдал хурдацтай доройтсон бөгөөд эмч нар хүүхдэд юу тохиолдсон, ямар өвчин туссаныг ойлгохгүй байв.

12 настайдаа санах ойгоо алдаж эхлэв, нүдээ хөдөлгөхөө ч мэдэхгүй болж, ярьж чадахгүй, алхаж гишгэх чадвараа алдсан байна. Мартин комд орж ухаангүй болсон байлаа.

Өвчний шалтгааныг эмч болон гэрийхэн нь хэзээ ч олоогүй бөгөөд оношийг криптококкын мэнингит гэж таамагласан таамаг үлдсэн.
Хүүгийн ээж Жоан сэтгэлээр унасаар амиа хорлохыг оролдов
Хэсэг хугацааны дараа эмч нар Мартиныг зөнгөөр нь орхих нь түүнд туслах арга хэмээж, юу ч хийх хэрэггүйг гэрийхэн нь хүлээн зөвшөөрчээ. Гэтэл 16 насанд хүрэхдээ алдагдсан ухамсарт ухаан сэргэхийг мэдэрчээ. Мартин аажмаар өөрийгээ таньж, өөртөө эргэж ирэв. Гэвч Мартин хэлд орж, ярьж чадсангүй.
Нэг өдөр аргаа барсан ээж нь "Чамайг үхэх байх гэж боддог" хэмээжээ.
Мартиныг сонсоогүй гэж бодсон ч тэр алдаа байсан юм. Энэ үг түүний амьдралын хамгийн аймшигтай мөч байлаа.
Тэрээр гунигтай ухаалаг харцаар харж сулхан инээмсэглэх мэт харсан байв.

Мартиныг 25 нас хүрэхэд эмч сул дорой ч ухаан эрүүл буйг ажиглажээ. Мартиныг Преторийн Их Сургуулийн нэгэн тэнхимд авчирч төрөл бүрийн тестээр шинжилгээ хийж үзэхэд ухаан санаа хэвийн, аливаа бүхэнд хариу арга хэмжээ авах чадвартай нь тогтоогдов.

Ээж нь ажлаасаа гарч, хоёр жилийн турш, компьютерийн тусгай программд суралцуулж, түүнийг хэн нэгэнтэй харилцаж болохуйц хэмжээнд хөгжүүлэхэд тусалсан юм.
Тэрээр үгээ сонгож, зөөврийн компьютер дээр ярьж эхлэв.
Мартин компьютер эзэмшиж, дараа нь коллежид сурч, программ зохиох ажилд оржээ. Урт хугацаанд хүнд нөхөн сэргээх дасгал хийсэн учир Мартины нүүрэнд хувирал орж, дээд биеийн хөдөлгөөн сэргэж, хөдөлгөөнд оржээ. Эгч нь түүнийг Жоанна хэмээх бүсгүйтэй танилцуулав.
Мартин Жоанатай харилцаж эхэлсэн бөгөөд тэд хоорондоо хайртай болцгоож 2009 онд гэрлэсэн.
2011 онд "The Ghost Boy" нэртэй намтар номоо бичсэн. Одоо 43 настай, вэб дизайнераар ажилладаг гэнэ
Сайхан Уул.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.