Азийн Улс Төрийн Намуудын Олон Улсын Бага Хурлын VII хуралдаан “Залуу парламентчдад бид тийм гэж хэлнэ” гэсэн үндсэн агуулга, уриан дор Төрийн ордонд зохион байгуулагдаж байна.
Дэлхийн нийт залуусын 2% нь л улс төр дэх шийдвэр гаргах түвшинд ажиллаж байна. МУ-ын хувьд нийт хүн амын 60 хувь нь 39-с доош насны залуус боловч шийдвэр гаргах төвшинд тэдний оролцоо 10 хүрэхгүй хувтай байна. Залуусын оролцоо, улс төрийн манлайллыг дэмжиж, тэдний эрч хүчийг, оюун санааг эв нэгдэл, хөгжил дэвшлийн төлөө дайчлах нь улс орон бүрийн хүсэл бас шийдэл гэдэгт Ази номхон далайн орнуудын залуус бид нэгдмэл байна.
Ази тивийн өнцөг булан бүрээс, Солонгос, Турк, Индонез, Азербайджан, Казахстан, Камбож, Лаос, Вьетнам, Малайз, ОХУ, Иран, Узбекистан гэсэн 12 орны 15 намын залуу манлайлагчид 28 илтгэл тавьж орон бүрийн туршлагыг нээлттэй хуваалцаж байна.
Азийн хамгийн том улс төрийн намуудын нэгдэл ICAPP-ын Залуучуудын байгууллагын ерөнхийлөгчөөр сонгогдон ажиллаад удаагүй ч миний бие ОУ-ын залуусын дуу хоолой, оролцоо, эв нэгдлийг хангах, Монгол Улсын нам, улс төрийн хүчнүүдийн залуусын нэгдмэл байдлыг хангах, бусад улс орнуудын улс төр дэх залуусын туршлага, мэдлэгээс хуваалцах боломжийг өөрийн орны залуустаа нээхэд онцгой анхаарч ажиллаж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
