Улсын хэмжээнд сүүлийн хагас жилд давтамжтайгаар газар хөдлөлт ихээхэн болох болжээ. Хамгийн сүүлд гэхэд 2021.09.07-ны өдрийн оройн 00:50 Төв аймгийн Жаргалант суманд 5.0 магнитудын хүчтэй газар хөдлөлт болж нийслэл болон төв аймгийн нутаг дэвсгэрт мэдэгдсэн.
Улсаас жил болгон иргэдийг гамшгаас хамгаалах урьдчилсан сургалтыг албан байгууллага, сургууль цэцэрлэгийн хүрээнд зохион байгуулдаг. Иргэд газар хөдлөлт болон гамшгийн байдалд хэрхэн өөрийгөө болон бусдыг аварч гарах, хэр бэлэн байгааг мэдүүлэх сургалт болдог. Үүнд 21 аймаг, 330 сум, нийслэлийн бүх иргэд хамрагддаг. Гэвч сүүлийн хэдэн жил иргэд газар хөдлөлтийг байнгын үзэгдэл мэтээр хүлээн авч, өөрсдийгөө гамшигт аюулаас урьдчилан сэргийлэх арга хэмжээг авч хэрэгжүүлэхгүй, мэдэхгүй байна. Олон улсад гамшиг болон байгалийн үзэгдлээс урьдчилан сэргийлж, хэрхэн тухайн мөчийг даван гарах арга замыг хүүхдийг бага наснаас нь сургаж дадал болгодог байна. Мөн ахуйн хэрэглээнд хэрэглэж болох хоол хүнсээ нөөцөлж, хэрэглээ хангах талын мэдээллийг иргэн бүр эзэмшсэн байдаг.
Дэлхийд газар хөдлөлтийн улмаас байшин барилга, далайн цунами, газар цууралт, ан цав үүсэж иргэд гамшигт өртөж нас барсан тохиолдол түүхэнд их байдаг. Тодруулбал, арлын Японы улсын Токио хотод 1995 оны газар хөдлөлтөд болж 6.400 иргэн өртөж нас барсан тоон мэдээлэл байдаг. Харин түүхэндээ хамгийн хүчтэй газар хөдлөлт 1556 онд Хятад улсын Шансигийн газар хөдлөлт нэрлэгддэг байна. Тус газар хөдлөлтөд 830,000 хүн өртөж нас барсан байна.
Тэгвэл бид энэ удаа гамшиг болон газар хөдлөлтийн үед иргэд ямар арга хэмжээг урьдчилан авах ёстой мэдээллийг хүргэж байна.
ГАЗАР ХӨДЛӨХ ҮЕД БАРИЛГА ДОТОР БАЙГАА БОЛ:
Тайван бай, үймж сандрах хэрэггүй, аюулгүй газар хорогдох /нуугдах/ дотор хана, булан, даацын багана налсан байх хэрэгтэй. Газар хөдлөлт эхлэх үед та хаана байна, тэндээ л газар сууж, өөрийгөө халхлах, газар хөдлөлтийг хүлээх шаардлагатай. Бат бөх ширээн доогуур орох, Цонхноос хол байх, Цаг, таазны гэрэл зэрэг дээрээс унах зүйлсийн доор зогсохгүй байх, хаалга онгойлгоод доор нь зогсвол дээрээс унасан зүйл цохих аюул харьцангуй бага байх болно.
ГАЗАР ХӨДЛӨХ ҮЕД ГАДНА БАЙГАА БОЛ:
"Байшин, барилга, мод, гэрэл болон цахилгааны шонгоос хол, аюулгүй газар олох, хэрвээ машин дотор байгаа бол чичирхийлэлт зогстол машинаасаа гарах хэрэгггүй, машинаар явж байгаа бол замаас гарч зогсох, гүүр, тунелээс холдох, ил задгай талбай олох, олон нийтийн газар байвал хаалга, үүд рүү хамаагүй бүү зүтгэ. Дээрээс унаж болзошгүй зүйлээс холдохыг хичээх, театр, цэнгэлдэх хүрээлэнд байсан бол суудалдаа суугаад толгойгоо хамгаалах, ойр орчимд тэсэрч, дэлбэрэх бодис байгаа бол лаа асаах юм уу, гал гаргаж болохгүй, хэрэв уулархаг газар амьдардаг бол хад чулуу нурж унахаас болгоомжилох" гэм мэтээр та гамшигт аюулаас өөрийгөө болон иргэн тойронд байгаа хүнээ хамгаалах боломжтой.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
