Намын нөхөд нь нэгнээ "Хутгална" нам нь араас нь "Хутгална" гэдэг Ардчилсан намд өрнөж байна. Саяхан орон нутгийн сонгуулиар цэнхэртсэн Архангайчууд засгийн эрхээ авч, Д.Золжаргал засаг даргаар нь ажиллав. Хэзээд эв нэгдэл муутай, сандал ширээ, тамганы хойноос хөөцөлдөж байдаг эрх мэдэлд дуртай Ардчилсан намынхан дотроо хагаралдаж засгаа унаагаад авлаа. Монголчуудын хэлдэгээр энэ нь ёстой "ДОТРООСОО".
Нэгэнт Засаг дарга нь огцорсон тул шинэ засаг даргаар М.Батжаргал томилогдсон ч нам нь араас нь "Хутгаллаа". Тодруулбал, дөнгөж томилогдсон засаг дарга М.Батжаргалыг АН-ын дүрмийн хороо хуралдаж намаасаа хөөсөн байх юм.
Ардчилсан намын Үндсэн дүрмийн хороо хуралдаж Архангай аймгийн засаг дарга М.Батжаргал болон тус аймгийн ИТХ-ын төлөөлөгч Р.Нямдорж, Э.Баттулга нарыг Ардчилсан намын гишүүчлэлээс 4 жилийн хугацаатай хасаж, сахилгын шийтгэл оногдуулсан байна. Энэ нь өөр өөрсдийгөө унагаадаг, барьцамтгай, нэг баг болж чаддаггүй Ардчилсан намын "ГОЛ МЭХ" л дээ. Ёстой юм үзээгүй, нүд тайлаагүй гэдэг АН-ыг хэлэх байх. Шинэхэн Засаг М.Батжаргал С.Эрдэнэд ийнхүү хоёр дахь удаагаа хөөгдөж байгаа нь энэ.
М.Батжаргал нэр цэвэр хүн бишээ. Хэвлэлийн хуудсыг сөхвөл Архангай аймгийн Засаг даргын орлогч М.Батжаргал мэргэжилтнээ зодон танхайрсан баримт хадгалагдаж байна. Тухайн үед ЗДТГ-ынхан Их тамир сумын Тайхар чулууны ойролцоох нэгэн амралтын газар амарцгаасан бөгөөд Засаг даргын орлогч дарга М.Батжаргал, Төрийн сангийн хэлтсийн дарга Гүрсүрэн нар нь архидан согтуурсан үедээ аймгийнхаа Байгаль орчин хариуцсан мэргэжилтэн Л-ыг зодож гэмтээсэн гэдэг. ХЭВЛЭЛИЙН БАРИМТ
Гэтэл түүний намтар нь олны “ДООГ” болов.
-М.Батжаргал нь Монгол Улсын харцага цолтой
-Архангай аймгийн Булган сумын уугуул.
-Цагдаагийн академи, Үндэсний биеийн тамирын дээд сургууль төгссөн.
-Багш дасгалжуулагч, хуульч, эрхзүйч мэргэжилтэй.
-1998-2003 онд “Говь” ХХК-ийн тамирчин,
-2003-2012 онд ЦЕГ-ын Спорт хороонд тамирчин,
-2012-2016 онд аймгийн Засаг даргын орлогчоор ажиллаж байв.
Ийм л түүхтэй хүн Архангайг удирдах нь дээ. Дотроо асуудлаа шийдэж чаддаггүй, мэдлэг боловсролгүй улс яаж төр барьдаг бол гэж Ардчилсан намыг хараад халаглах ....
Төр.мн
Б.БАДАРЧ
Like
0
Зөв
0
0
Буруу
1
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
