₮19.6 тэрбумаар шуудай шахдаг Ж.Батбаясгалан та өөрийгөө шагнахаас ИЧИХГҮЙ байна уу?

Админ I Төр.мн

2024-02-28

“Утаа буурсныг та бидний уушги худлаа хэлэхгүй ээ” гэж хоолойгоо шахаж орилон ярьж байсан НИТХ-ын дарга Ж.Батбаясгалан татвар төлөгчдийн мөнгийг ёстой нэг “ХАЛААСЛАДАГ” нэгэн байжээ. Жинхэнэ “УТААГААР ХӨЛЖИГСӨД” байв.

2018 оноос хойш буюу 6 жил утаагаар МӨНГӨ хийж. Утааг бууруулсан, сайн ажилласан гэж “Тавантолгой түлш” ХХК-ийн ТУЗ-ийн дарга Ж.Батбаясгалан өөрөө тушаал шийдвэр гаргаад, өөрийгөө 64 сая төгрөгөөр шагнасан байдаг.

Нийтдээ ТУЗ-ийн гишүүд 1.1 тэрбум төгрөгөөр өөрсдийгөө шагнажээ.

Тавантолгой түлш ХХК 997,2 тэрбум төгрөгийн өртэй, 583,9 тэрбум төгрөгийн алдагдалтай ажиллаж байхад өөрсдийгөө шагнаад сууж байдаг Ж.Батбаясгалан тэргүүтэй хүмүүс ичихгүй байна гэж үү! Юу хийсэн гэж тэр вэ? Ж.Батбаясгалан дарга аа!!!

Өнгөрсөн арванхоёрдугаар сард болсон Нүүрсний сонсголоор Ж.Батбаясгаланг гэрчээр дуудсан ч тэрбээр ирээгүй. Эрх ямбыг нь эдэлж байж, хариуцлага хүлээх, үүрэг хүлээх болохоороо ирдэггүй юм билээ.

Сонсголоор Ж.Батбаясгалан нь өөрийн нэгдмэл сонирхолтой нэгтэй компаниараа дамжуулаад “Тавантолгой түлш” ХХК-д 19.6 тэрбум төгрөгийн шуудай шахжээ.

“Тавантолгой түлш” компанидСБМ хангай ХХК гэх компани 2019 оноос хойш 2023 хүртэл тасралтгүй шуудай нийлүүлсэн. Энэ компани нь “Тавантолгой түлш” компанийн ТУЗ-ийн гишүүн Л.Одхүүгийн хамаарал бүхий компани. Цааш ухаад үзвэр Л.Одхүүгийн эхнэр Б.Оюунзул нь "Алтан хот" ББСБ-ын үүсгэн байгуулагч. "Алтан хот" ББСБ-ыг өнөөх Ж.Батбаясгалан Бадамжунайгийн охин Оюунбилэгтэй хамт үүсгэн байгуулж байсан. Ингээд нэгдмэл сонирхолтой этгээдүүд шуудай шахаад тэрбум тэрбум төгрөгөөр мөнгө хусчихжээ.

2020 оны орон нутгийн сонгуулийн үеэр Ж.Батбаясгалан “Утааг ялсан, Түгжээг тайлна”, Утааг ялсан шигээ замын түгжрэлийг, хөгжлийн түгжээ бүхнийг тайлах гэрийн даалгавраа авч байна” гэж цахим хуудаснаа бичсэн байдаг. Ингэж бичсэнээс хойш дөрвөн жил өнгөрлөө.

Утаа нь хэвээрээ улам ч нэмэгдсэн, юун түгжрэлийн түгжээг тайлах. Түгжрэл ТЭГ зогсоход хүрсэн.
Ийм л худал хэлсэн, амласан этгээдүүд ТӨРД ШУРГАЛЖЭЭ.

Ж.Батбаясгалан одоо яллагдагчаар татагдаад шалгагдаж байгаа Т.Бадамжунайгийн нөлөөгөөр улс төрд орж ирсэн. Түүний гар хөл.
Нийслэлд олон ч албан тушаал хашиж яваа тэрбээр ийнхүү төрд “шургасан” “ШИМЭГЧ” байжээ. Ийм ашиг сонирхлын зөрчилтэй, сэтгэлгүй, бусдын, бүлэглэлийн гар хөл болсон хүмүүсийг ТӨРӨӨС ЗАЙЛУУЛЪЯ.

Ингэж байж ТӨР ЦЭВЭРШИНЭ.

МАН дахь хотын фракц, “МАНАН”-гийн үргэлжлэл, хойд дүр болсон Ж.Батбаясгаланд шуудай шахаж, хамаарал бүхий этгээдээрээ мөнгө угаадаг, Гавьяа ч үгүй ажил хийчихээд өөрийгөө шагнадаг түүх намтар бичигдэж байна.

Одоо өөрийнх нь хэлдэгээр даргын суудлынх нь ТҮГЖЭЭГ тайлж хууль хяналтын байгууллага шалгаж , хариуцлага хүлээлгэе. МАН-ын дарга Л.Оюун-Эрдэнэ та "ТӨРД ШУРГАСАН" ШИМЭГЧИДТЭЙГЭЭ тэмцээч...

Төр.мн

Нийт сэтгэгдэл 8

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.