Өөх ч биш, булчирхай ч биш гэдэг. Тэр чинь яг л сурагчдын “ҮДИЙН ХООЛ”-д тохирох үг бололтой. Ямар ч эцэг, эх хүүхдэдээ чадахаараа чанартай амттай хоол өгөхийг хүсдэг. Гэтэл Төр нь “ҮДИЙН ХООЛ” нэртэй ХОРЫГ хоёрхон юмтай хослуулаад өгч байна. Түүнийгээ “ҮДИЙН ХООЛ” гэж нэрчихнэ ээ бас.
Тал хэмжээтэй гөөхий, хатсан талх, түлэнхий зах, чихэрлэг ундаа, жигнэмэг боов, чихрээр бордсон печень, эсвэл хайрсан хуурсан, чимх махтай хуушуур, пирожки, халбага будаа гээд хөөрхий нялх хүүхдүүдийг жинхэнэ хороор ”ХООЛЛОЖ” байгаа.
Түүндээ 1500 төгрөг зарцуулна. Бусад улс орон хүүхдүүдэд шимтэй, тэжээлтэй, чанартай, илчлэгтэй эрүүл хоолыг өгдөг бол харин Монголын төр үгүй.
Дандаа хор болох хоол, хүнс өгдөг бөгөөд “Үдийн хоол”-нд өөрсдийнхөө компани, танил талаа чихэж, тэд нь ашиг харж, ХОР бэлдэж өгцгөөж байгаа нь чин үнэн.
Хүүхэд юу иднэ тэгж л өснө. Одоо хүүхдүүд сул биетэй, сулбагар, шүд нь цоорсон байгаа нь чанаргүй бөгөөд илчлэг багатай, хэт их чихрийн агууламж өндөртэй, давс ихтэй хоол хүнс өгч байгаатай шууд холбоотой. Дээр үед хүүхдүүд эрүүл чийрэг, бие бялдар сайтай, шүд хорхойтох гэдгийг бараг л мэддэггүй байлаа. Тэр нь эрүүл хооллолт. Ядаж л сүү ууцгаадаг байсан. Гэтэл одоо дусал сүү ч хүүхдүүдэд өгдөггүй. Дандаа л чихэрлэг бөгөөд хайрсан хуурсан, тос ихтэй хоол өгч байна. Энд санаа тавих сайд ч алга, сэтгэл дэвсэх гишүүд ч үгүй.
1500 төгрөгөө харамлан байж өгдөг. Тэндээсээ өөрсдөө бас хусчихдаг ийм л зарчим үйлчилж байна. Байгалийн баялаг ихтэй, эдийн засаг нь өсөлттэй атлаа хүүхдүүдээс таван төгрөг харамлаж байгаа арчаагүй төр ирээдүйн эзэд болсон хүүхдүүдийг хорлож гүйцлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
