Өнгөрсөн амралтын өдрүүдээр Улс төрийн нэрт зүтгэлтэн С.Зориг агсны гэргий Б.Булган өөрийн байр сууриа илэрхийлж, анх удаа ярилцлага өгөв.
Сонгууль бүрийн өмнө сөхөгддөг эл асуудал “СОНГУУЛИЙН ШОУ” ч гэж хэлэгдэнэ. Гэвч үнэндээ С.Зориг агсны нэр, зүтгэл, мөрөө үлдээсэн Ардчилсан намынхан, Ардчиллын нэрийг “зарж идэж” байгаа хүмүүс л үүнийг өлгөж авч жинхэнэ “ШОУ” хийдэг нь үнэн.
Түүний нэг нь УИХ-ын дэд дарга, АН-ын гишүүн Салдангийн Одонтуяа. Тэрбээр Б.Булганы ярилцлага цацагдмагц өөрийн цахим хуудаснаа “С.Зоригийн асуудлаар шоу хийдгээ болих хэрэгтэй!!. Олон мянган иргэнээ хэлмэгдүүлж хядсан асуудлаар нь бид шоу хийдэггүй өдий хүрсэн. Үнэхээр энэ хэргийг шийдэх гээд байгаа бол нууцаас гаргачих” гэж сэтгэгдэл бичиж, эвлүүлж бэлдсэн зургаа нийтэлжээ.
.JPG)
Үүгээр ч зогсохгүй С.Зоригийн хөшөөний өмнө авхуулсан зургаараа нүүр хуудсаа “чимжээ”. Улс төрийн “АЛЛАГА” гэгдэх энэ хэрэгт олон хүмүүс хэлмэгдэж, гүтгэгдэж, эрүүдэн шүүгдсэн. Үүнд хамгийн ихээр санаа зовниж, анхаарч ажиллах хүн нь С.Одонтуяа. С.Одонтуяа нь Цагаатгах ажлыг удирдан зохион байгуулах Улсын комиссын дарга хийдэг.
.jpg)
Улсын комисс нь язгуур угсаа, гарал үүсэл, үзэл бодол, шашин шүтлэг, хөрөнгө чинээ, нийгмийн байдлын улмаас улс төрийн хэрэгт хилсээр шийтгэгдсэн, нам, захиргааны байгууллагаас арга хэмжээ авагдсан хэлмэгдэгчдийг цагаатгуулах, хэлмэгдэгч болон түүний гэр бүлийн гишүүдэд хууль тогтоомжийн дагуу нөхөх олговор олгох, хэлмэгдэгчдийн дурсгалыг мөнхжүүлэх, тэдний нэр төрийг сэргээн сурталчлахад холбогдох байгууллага, албан тушаалтан, иргэдийг татан оролцуулах ажлыг зохион байгуулах үүрэгтэй.
Нэг жил орчмын өмнө Т.Чимгээ, Б.Содномдаржаа нарыг яллагдагчаар татсан прокурорын дүгнэлтийг хүчингүй болгож сулласан.
Үүнээс хойш дээрх иргэд өөрсдийн зөрчигдсөн эрхийг сэргээхтэй холбоотойгоор төрд хандаад буй боловч нөхөн төлбөр авах ажил удаашралтай байгаа. Чухам эл асуудлыг С.Одонтуяа анхаарч ажиллах ёстой боловч ажил удааширсан байдалтай байгаа аж.
Түүнчлэн цорын ганц амьд гэрч Б.Булган гэрч хохирогчоос, яллагдагч болж ч хоригдож явсан. Гэвч С.Одонтуяа энэ асуудлын талаар огт дуугарсангүй.
Цагаатгах ажлыг удирдан зохион байгуулах Улсын комиссын дарга хийдэг С.Одонтуяа зөвхөн жил бүрийн есдүгээр сарын 10-ны өдөр буюу “Хэлмэгсдийн өдөр” хөшөөнд гарч цэцэг өргөдгөөс өөрөөр Т.Чимгээ, Б.Содномдаржаа нарын хэлмэгдсэн нэр төрийг цагаатгах, тэдэнд нөхөх олговор олгох эсэхт “АНХААРСАНГҮЙ”.
Харин түүнийхээ оронд С.Зоригийн хөшөөний өмнө авхуулсан зургаараа нүүр хуудсаа “чимж”, хэдэн сэтгэгдэл л бичжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
