Төр.мн сайт АНАЛИТИК нийтлэлийг цувралаар хүргэж байна. Монгол улс хэдэн хүмүүсийн “ТОГЛООМ” болж СҮЙРЭХ үү? Ард иргэд нь арчаагаа алдтал ядуурч, ЗҮДРЭХ үү гэдэг нь энэ ТӨР ЗАСГААС хамаарна. Тэнд хэн сонгогдон гарч, юу хийж, ямар үйлдэл гаргаж байгаагаас ХӨГЖИХ, СҮЙРЭХ нь шийдэгдэнэ.
Тэгвэл АНАЛИТИК цуврал нийтлэлээр сонгож болохгүй хүмүүсийг нэрлэж байна. Тэд хэрхэн яаж ТӨРӨӨС “ХУЛГАЙ” хийснийг баримттай сийрүүлье.
Эрүүл мэндийн дэд сайд С.Энхболд энэ удаагийн сонгуульд баруун бүсэд нэр дэвшихээр яригдаж байна. Эрүүл мэндийн сайдаар ажиллаад тийм ч удаагүй ч яамдаа дэд сайдаар томилогдож тушаал буураад ажиллаж буй.
Эрүүл мэндийн салбарт 20 орчим жил ажиллаж, Улсын Нэгдүгээр Төв эмнэлгийн дүрс оношилгооны төвийн дарга, Улсын Хоёрдугаар Төв эмнэлгийн Ерөнхий захирлаар ажиллаж байсан бөгөөд тэргүүлэх зэргийн эмч, Анагаах Ухааны Доктор, Клиникийн Профессор цолтой.
Япон улсад Магистерийн зэргийг хамгаалсан бөгөөд БНСУ, Тайвань, АНУ, Чех улсад мэргэжил дээшлүүлжээ. Эмчийн хувьд тун чиг сайн гэдэг. Харин улс төрчийн хувьд тийм ч сайн биш ээ. Тэрбээр одоогийн ерөнхийлөгч У.Хүрэлсүхийн “фракц” бөгөөд энэ фракцын квотоор сонгуульд нэр дэвших гэж байна.
Тэрбээр өөрийгөө Говь-Алтайнх гэдэг бөгөөд өнгөрсөн жил Говь-Алтайн 100 жилээр очиж хүмүүстэй уулзсан байдаг.
Сайн эмч байж болох ч “МУУ” нэр түүнийг бас дагалаа. Саяхан болсон Эмийн сонсголоор “Мөнхийн тун” компанитай хамааралтай бөгөөд мэдрэг чанар нь ердөө 20 хувьтай оношлуурыг сайд С.Энхболд шахаж, БНХАУ-аас тэр оношлуурыг авсан гэдэг ч мэдээлэл цацагдсан.
Түүнчлэн С.Энхболд “Эрдэнэс тавантолгой” ХК-ийн “Цанхийн зүүн уурхайн олборлолтыг ажил”-ийг гүйцэтгэхээр “Ти Ти Жи Ви Си Өү” ХХК-иараа 2.2 их наяд төгрөгийн тендер авсан, Тавантолгой-Ханги чиглэлд автозам барихаар “Тахилт хайрхан транс” ХХК-иараа Засгийн газартай 500 сая ам.долларын концессын гэрээ байгуулсан Энхболдын Оюутцэцэн гэх залуутай холбогддог байна.
Ингээд нүүрсний сонсголоор “Цагаан халаад”-тай нүүрсчин гарч ирсэн нь С.Энхболд байлаа.
Энэ мэт Сонгуулийн өмнө түүнд МУУ нэр дагалдах болов. Чухал Увс, Ховд, Завхан, Говь-Алтайн баруун бүсэд дэд сайд С.Энхболд ялалт байгуулж чадах болов уу...?
Төр.мн
Б.Шүрэнцэцэг
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
