Эрх баригч нам сайндаа биш ээ, харин сөрөг хүчин МУУДАА юм. Эрх мэдэл, тамга, ширээний араас хөөцөлдөж, нам дотроо бие биенээ “АГНАСААР” байгаад Ардчилсан нам ямар ч нэр хүндгүй болж, хүч нь суларч, “СЭХЭЭНД” ороод байна.
Хоёр талд хурал хийдэг, хоёр талд нэр дэвшигчдээ тодруулдаг, жинхэнэ хуурамч нь мэдэгдэхгүй хоёр тамгатай, хоёр даргатай.
Ингэж явсаар бүх шатны сонгуульд ялагдаж, муу сөрөг хүчин гэдгээ харуулав. Бас муу удирдагчтай гэдгээ нотлов.
Нэг талаас С.Эрдэнийн АН буюу М.Тулгат даргатай нам, нөгөө талаас Ц.Тувааны нам буюу О.Цогтгэрэл даргатай нам. Өнгөрсөн долоо хоногт УИХ дахь Ардчилсан намын бүлгийн гишүүд, Ардчилсан намаас УИХ-ын 28 дугаар тойрогт нэр дэвшигч Монгол Улсын баатар Э.Бат-Үүл, 18 тойрогт нэр дэвшигч УИХ-ын гишүүн асан Б.Гарамгайбаатар нартай уулзаж, эвлэрсэнээ зарласан.
Ширээний ард “балга архи” тавьж байгаад эвлэрсэнээ зарласан ч нэг л хүч муутай. Ингэж дүгнэхийн учир нь “Уулзалтын дараа хамтдаа дурсгалын зураг татуулж, нэр дэвшигчдэд амжилт хүсэн Ардчилсан намын туган дээр гарын үсгээ зурцгааж, дэмжиж ажиллахаа илэрхийлж бэлэглэлээ” гэж Ардчилсан нам мэдээгээ тарааж байгаагаас харж болно.
Уг нь нэг нам нэгдмэл санаа, зорилготой байх учиртай ч энэ удаагийн нөхөн сонгуульд зүгээр дэмжиж ажиллана гэжээ. Өөрөөр хэлбэл тэд НЭГДЭЭГҮЙ, бас ЭВЛЭРЭЭГҮЙ.
Түүнчлэн Э.Бат-Үүүл, Б.Гарамгайбаатар, УИХ дахь АН-ын бүлгийн дарга Б.Ганбат нар Ардчилсан намыг бүрэн төлөөлөхгүй.
Үүний цаана байх С.Эрдэнэ, Ц.Элбэгдорж нар гар бариагүй цагт энэ намын талцал хуваагдал дуусахгүй нь ойлгомжтой. Бас экс Ерөнхийлөгч Х.Баттулгын нам доторх шидсэн чулуу хүчтэй нөлөөлж байна.
Бие биенээ хэмлэж, хэн нэгнийхээ араас “хутгалдаг” нь энэ намын имидж. 30 жил талцаж, хуваагдаж ирсэн энэ сөргөлдөөн дуусах болоогүй бололтой. Нэр хүнд, удирдах арга барил, туршлагаараа хаана ч гологдох хүмүүс энэ намыг удирдаж байна.
О.Цогтгэрэл, М.Тулгат нарын хэн нь ч сайн улс төрч биш бөгөөд Ардчилсан намыг зангидаж, чиглүүлэх хэмжээний бяртай нь биш. Тэд ширээний ард “НЭГДЛЭЭ” гэх боловч хэзээ ч бие биедээ тамгаа өгч, суудлаа тавихгүй хүмүүс.
Нөхөн сонгууль тэдний хувьд том боломж ч Ардчилсан нам өөр өөрсдийгөө ялагдахад хүргэдэг “ХУУЛЬТАЙ”.
Төр.мн
Б.Шүрэнцэцэг
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
