Үндэсний соёл амралтын хүрээлэн буюу та бидний нэрлэж заншсан “Хүүхдийн парк”-д дижитал ертөнц ба “Digital Nation -2021” үндэсний арга хэмжээ 09-р сарын 17, 18, 19-нд зохион байгуулагдсан. Тодруулбал, 2021 оны 09-р сарын 17-нд өглөөний 09.00 цагт “Digital Nation-2021” арга хэмжээ үүдээ нээсэн. Мөн энэ өдөр харилцаа холбоо, мэдээллийн технологийн салбарын 100 жилийн ойн баярын хурал, Women in ICT forum хэлэлцүүлэг, тус салбарын B2B уулзалт, мэдээллийн технологийн салбарын үзэсгэлэн болж албан ёсны нээлт 2021 он 09-р сарын 17-ны 20.00 цагт болсон. Харин 2020-2021 онд буюу өнөөдөр Монгол гэлтгүй, Дэлхий дахинд COViD-19 гэх аймшигт тахал нүүрлэж байгааг хэн хүнгүй мэднэ. Энэ үед “Хүүхдийн парк”-д зохион байгуулагдсан "Цахим үндэстэн" дижитал шилжилт олон хүмүүсийг эрсдэлд оруулсан. Харин дэлхий даяар ард иргэдтэйгээ төр засаг болон эрүүл мэндийн байгууллагууд нягт холбоотой ажиллах үүрэг Дэлхийн эрүүл мэндийн байгууллагаас өгч, үүнийг ч бид сахин биелүүлсэн. Учир нь улс эх орны хөдөлгөгч гол хүчин бол таны миний аав ээж, ах дүү, хамаатан, төрөл садан юм. Корона тусан эмнэлэгт үхэлтэйгээ тэмцэж яваа хүн ч мөн адил энэ улсын капитал.

Манай улс хоёр жилийн хугацаанд ард иргэдийг хариуцлагатай бай, дэглэмээ барь, ажлаа хийхээ боль гэртэй бай хэмээн үүрэгдэж ирсэн нь саяхан.

Саяхан гэдэг нь 2021 оны 9-р сарын 17-ны өдөр буюу “Цахим үндэстэн” дижитал шилжилт гэх нэр доорх “Цар тахал”-ын шинэчлэлт болсон өдөр. Учир нь энэ өдөр олон хүмүүс халдвар хамгаалалтын дэглэм баримтлаагүй, хүн хоорондын зай алдагдаж, олон хүмүүс цугларан цар тахлыг тарааж эрсдэлд оруулсанг өдрийг нуух юун. Манай Монголын төр засаг болон, хүүхэд залуучууд ямар хариуцлагагүй байгаагаа ч харуулсан өдөр. Цар тахлын энэ үеүдэд дэлхий дахин дижиталын ерөнц рүү хүссэн, хүсээгүй орж байна. Энэ шилжилтийг дэлхийд бид л хийж байгаа юм шиг эрсдэлтэй үеүдэд зохион байгуулах нь буруу гэж олон түмэн үзэж байгаа. Өнөөдөр бусад улс орон ард иргэдийнхээ амь насыг аврахын тулд хичээн ажиллаж, элдэв арга хэмжээ, нээлтийг хойш нь тавьж улс эх орныхоо эдийн засаг, ард иргэдийнхээ эрүүл мэндийг урдаа барьж ажиллаж байгааг төр хардаг болов уу?

Манай Монголын төр засаг түмэн олныг цуглуулж арга хэмжээ зохион байгуулж, санаатай гэмээр сар, жилийн ойн арга хэмжээнд ач холбогдол өгч олон хүмүүсийг тахалд хамруулж байгаа нь харамсалтай. Монгол улсын хүн амын бүртгэлд хүүхэд, залуучууд ихэнх хувийг эзэлдэг. Өсвөр насны хүүхдүүдүүд парк дээр зохион байгуулагдах арга хэмжээнд олноороо явахад нь өдөр бүр тэдний төлөө цохилдог зүрхтэй, тэднйи төлөө ажиллаж, амьдарч, хайрлан хамгаалж явдаг аав ээж, ах эгч, эмээ өвөө нар нь дургүйцэхэд хэрэлдээд Хүүхдийн парк руу гарсанг та бид мэдэх үү? 

Ерөнхий сайд өмнө нь дижитал шинэчлэлтийн ажлууд дээр ихээхэн ажиллаж байсан. Үүний нэг тод жишээ бол "Цахим үндэстэн" дижилтал шилжилт юм. Гэтэл энэхүү арга хэмжээг зохион байгуулснаар “Харилцаа холбоо, мэдээлэл технологийн газар”-ын удирдагуудад ард иргэд дургуйцлаа илэрхийлсэн сэтгэгдэлүүд сошиалаар дүүрсээр байгаа. 

Тодруулбал, төр засаг болон эрүүл мэндийн яамнаас өдөр бүр шаарддаг зүйлийг хариуцлагатай иргэд сахин биелүүлж олон нийтийн арга хэмжээ цаашлаад ах дүү, найзуудтайгаа уулзахад ч хөл хоорондын зайгаа барьж явсан юм. Гэтэл эдгээр хүмүүсийн итгэлийг уландаа гишгэн “Харилцаа холбоо, мэдээлэл технологийн газар”-аас зохион байгуулсан "Цахим үндэстэн" өдөрлөгт ерөнхий сайд Л.Оюун-Эрдэнэ нээж үг хэлсэн нь олны дургуйцалыг хүргээд авсан. Энэ өдрөөс хойш цар тархалтын халдвар нэмэгдэх нь харамсалтай. Ард түмний эсрэг харамсалтай зүйлийг хийж байгаа харамсалтай төрд ЗАХИЖ хэлэхэд. Цаг үеийн мэдэрсэн ажлуудыг хийж, цар тахлын дараа шоудалтаа хийхийг ард иргэд таниас шаардаж байгааг уламжилж байна.

Учир нь энэ шоудалтын дараа олон залуус эмнэлэгт хэвтэх шаардлагатай болно. Гэвч эмнэлэгт ор байхгүйгээс эмчлүүлэх боломжгүйд хүрнэ. Тэгвэл эдгээр хүмүүс тэр үед хаана очих вэ? САЙДАА...